مسلسل نور

السلام عليكم ورحمته وبركاته
شباب منتدانا العزيز ... شولونكم؟شو اخباركم؟ عوده حميده بعد الامتحانات
مش هطول واخش في الموضوع علي طول
طبعا كل الدنيا بتتفرج علي المسلسل التركي الشهير نور
المسلسل ده محقق شهره فظيعه بجد مش هكذب عليكو انا بحب القصص الرومانسيه اوي
وكنت حابه المسلسل بالاول ولما سالت عن نسبه نجاح المسلسل لقيت انه المسلسل علي مستوي الدول العربيه كلها
عامل ضجه كبيره عامل قلق وبالاخر سمعت انه سبب مشاكل لبعض الاسر ايه ده ايه اللي بيحصل؟؟
يعني مثلا واحده راجع زوجها من الشغل تعبان تقوله ده مهند ده قمر واحسن منك راح مطلقها
اه الصراحه الواد حلو بس مش للدرجه دي يعني اخره المسلسل يخلص انسي انما لما يقلب معايا بصوره مرضيه كده
مينفعش وده كله انا متكلمتش عن المسلسل من الناحيه الدينيه يعني ايه اللي بيحصل للعرب ده؟؟
ايه بيحصل للمسلمين ده؟؟؟
مش عارفه ايه السبب في كده هل هو مجرد فراغ عاطفي لدي البنات الانسات وعدم توافر امكانيات الزواج؟
ولااصلا فراغ عقول ناس تافهه مش بتفكر بعقل شويه؟؟؟
ولا عدم مراقبه الاسره وتوعيه بالصح والغلط؟؟
ولا اصلا قله دين؟؟
مش عارفه ايه السبب عاوزه اعرف منكو

_________________
لئن سألتني يارب عن ذنبي يوم القيامه.....لاسألك عن رحمتك
ولئن سألتني يارب عن تقصيري..........لاسألك عن عفوك
ولئن قذفتني في النار لاخبر اهل النار ....اني احبك
فاجعلني عبدا اما طائعا فأكرمته..واما عاصيا فرحمته

اولا :
انا ما شفتش المسلسل فما اقدرش احكم عليه ..

ثانيا :
تركيا بلد اسلامي اسما .. انما فعلا هي بلد علماني .. يعني الدين شيء هامشي فيها .
ويتهيالي ان ده سبب كويس ممكن نشوف عن طريقه المسلسل .

ثالثا :
انا شايف ان الاسرة عليها ضغوط رهيبة مش زي زمان ..
يعني زمان مثلا .. كانت الرقابة على التليفزيون الارضي .. اللي ساعت ما يجيب حاجة خارجة جدا تندى لها الجبين .. ممكن يجيب اميرة حبي انا .
انما دلوقتي
- دش فيه اكتر من 200 قناه على قمر واحد ..
- كمبيوتر وملحقاته من انترنت و ستلايت وغيره ..
- شارع منيل بنيله .
- مدرسة اكثر نيله .
- اصحاب مش معروف الكويس من الوحش فيهم .

فبقى من الصعب جدا ان الاسرة تلاحق من هنا او من هنا
فبقى المفروض بدال الرقابة الاسرية .. الاسرة تعلم الفرد فيها الرقابة الذاتية .. اينعم ده صعب جدا جدا جدا جدا .
بس يعتبر اسهل شوية من رقابة الاسرة نفسها .

رابعا :
يتهيالي ان ضعف الموجود من القصص الرومانسية العربية خلى الناس تحاول تلاقي ضالتها بره
يعني الافلام والمسلسلات اللي موجودة كلها هي قصة واحدة .
البطل غلباااااان و كحيان .. حب واحدة خبطت في كتفه بالصدفة و هي خارجة من المول ..
حبوا بعض
طلعت غنية .. وابوها بهدله .. وكافح لغاية ما بقى غني واتجوزها هي هي برده .

مفيش حاجة جديدة .. مفيش ابداع ..
وحييجي منين الابداع اذا كان مفيش تعليم يساعد على كده اساسا ..

مفيش القصص اللي تساعد على التخيل اكتر .. ومليانه مفاجات .. تشد اكتر .
وبالتالي ممكن الانسان فطريا يلاقي ضالته بره .
بما لا يتناسب مع تقاليده اللي نشأ عليها .

بس مضطر .. لأن نفس الانسان تحب الجمال والحب فطريا .

سمعت عن المسلسل دا بس صراحة مشفتوش

_________________

انا ماشوفتش المسلسل

بس كلام عمرو حلو
دلوقتى الفساد بقى اكتر من زماااان بكتيررر