انقذوا الرجال

نعم .. انا ادعو كافة الجهات المسئولة والمعنية في مصر الى البدء في خطوات عملية لتحرير الرجل المصري اطلقوا سراح الرجل المصري .. اعيدوا الى الرجل المصري هيبته وكرامته اللتين فقدهما بسبب قوانين المرأة والاسرة الجائرة
كان الامر حبيس الصدر الى ان فوجئت في اسبوع واحد بإطلاق مجموعتين الكترونيتين تحملان الشعار نفسه احدهما على (فيس بوك) والاخرى مجموعة بريدية على (ياهو) تدعوان الشباب المصري الى الامتناع عن الزواج من المصريات .. لماذا ؟
بسبب قوانين المرأة التي دأبت حكومات مصر المتعاقبة منذ عهد الرئيس الراحل أنور السادات الى يومنا هذا على سنها واقرارها او تمريرها عبر مجالس نيابية يقال انها منتخبة شرعيا بهدف حماية المرأة من التمييز والاضطهاد على يد الرجل المصري الشرير!!
قوانين ادت الى فقدان الرجل حضانة ابنائه نهائيا فمعني رفع سن حضانة الام للصغير الى 15 عاما يتم تخييره بعدها ما بين الانتقال الى حضانة الاب او الاستمرار مع الأم ان دور الاب انتهي قبل ان يبدأ في حياة هذا الطفل فكيف يذهب الى من رضع كراهيته مع لبن امه؟
قوانين جعلت الاب يرى ابنائه بعد الانفصال 3 ساعات اسبوعيا (ان سمحت الست هانم بذلك) وسط حراسة الشرطة.
قوانين ادت الى فقدان الرجل هيبته بان قامت (الست هانم) بــ (خلعه) لمجرد انها رأته يرمق (كلبها) بنظرة ملؤها الاحتقار والدونية او انه رفض ان يفتح لها باب السيارة كما كان يفعل دوما او كما فعلت خريجات الجامعة الامريكية باعتبار ان ازواجهن من خريجي الجامعات الحكومية (ياي) !! وهي اقسم بالله اخبار حقيقة نشرت في العديد من وسائل الاعلام.
قوانين ادت الى سجن الرجل بسبب عجزه عن سداد النفقة حتى وان كان غير قادر و (قسم وسطه) ان كان قادرا فلا يستطيع ان يبدأ حياته من جديد بعد ان قضت عليه مطلقته ماديا.
قوانين جعلت او ستجعل الولاية التعليمية للمرأة بدلا للرجل على الاطفال فمن حقها ان تختار ما تشاء من مدارس لتعليم اولادها حتى (تنحل وبر) الرجل انتقاما منه وكي لا يصبح لديه ادنى فرصه لمحاولة للوقوف على قدميه.
قوانين تعمل على مخالفة الشريعة الاسلامية باعتبارها تنص على امور عفا عليها الدهر مثل مواريث الانثي التي هي نصف الرجل في بعض الاحوال او شهادة المرأة التي تعدل نصف شهادة الرجل .. فالاستاذة الجامعية او وكيلة الوزارة لا ترتضي هذا "الانتقاص" الالهي من حقها وتطلب المساواة !!
بل وعادات اجتماعية و موروثات فاشلة وسخيفة مثل الشبكة (اللى لازم تكون سوليتير علشان انا بنتي مش اقل من بنت فلانة) او 5 كيلو ذهب عيار 9000 (علشان هي تتاقل بالذهب طبعا) وقائمة منقولات تظل قيدا حديديا في عنق الرجل لا يتحرر منه الا بالوفاة.
نعم استفزتني مقالة الكاتب (حمدي رزق) في المصري اليوم عن الامر وجعلتني اتذكر كيف كان حال الرجل المصري قديما وقت ان كان ابي وجدي ووالدك وجدك يملئون البيت مهابة واجلالا واحتراما ليتحول الرجل المصري الى وحش شرس شديد القسوة في تعامله اليومي مع الناس.
اكاد اقسم ان ذلك لم يحدث الا بعد ان فقد الرجل رجولته وكيانه داخل منزله فهو في سعي يومي للبحث عنهما.
ومع خروج المرأة الى العمل ووجود هذا الكم الهائل من القوانين التي تحرسها اينما ذهبت صارت تتعامل مع زوجها معاملة الند للند بل اني رأيت بأم عيني سيدة فاضلة تمزح مع زوجها المحترم امام ابنائها قائلة له : "انت اصلك بجح وما بتتكسفش .. ايه العالم دي يا خويا" بل ان سيدة اخرى اعتادت على تمزح مع ابنها الاكبر امام زوجته وطلفه بسبه وشتمه ولنا طبعا ان نتصور كيف ستكون صورته في عيني زوجته وطفله حين يكبر ويعي.
هذا مثال صغير لما اصبحت عليه المرأة بعد ان ظلت القوانين تنهال على رأس الرجل الى ان اصبح كالضيف في المنزل وان حاول ان يقاوم تسلط (الست) فالويل والثبور وعظائم الامور في انتظاره من تهديدات بالخلع او "الجرجرة في المحاكم" حتى يعلم "ان الله حق" بل ان الرجل المصري تحول الى ذكر عنكبوت اقتصرت مهمته في الحياة على التلقيح والاخصاب ليكون مصيره بعد ذلك الالتهام
هل تريد ان تعرف ماذا تفعل النساء في دول اخرى ؟
هل تعلم لماذا اطلقوا على المرأ السورية "عياشة" ؟ لانها تريد ان تعيش وتحترم زوجها وتجله وتقدره وتحافظ على بيتها ولا تفخر بلقب المطلقة او لا تجد مجلس قومي يشجعها على الحصول على اللقب ولا تبحث عن ذاتها على حساب احتياجات بيتها واسرتها .. نعم من حقها ان تتفوق وان ترتقي في المناصب وليس لاحد ان ينكر ذلك ولكن ليس على حساب وظيفتها التي خلقها الله تعالى لها والا عليها الا تندم حين يتركها الى من هي اقل منها مكانة وقدرا لكنها تشبع رجولته.
اعتقد ان من شاهد او قرأ رواية الراحل نجيب محفوظ (حديث الصباح والمساء) حين ترك بطل الرواية زوجته سليلة الحسب و النسب الى جارية متواضعة الحال اشبعت رجولته واشعرته انه لا زال على قيد الحياة سيعرف ماذا اعني بهذا المثل.
هل تعلم ان المرأة اليابانية تكاد تسجد لزوجها حبا واحتراما واجلالا لقدره.
والامر لا يقتصر على هذين المثالين فقط واذا بحثت قليلا عن عادات نساء الشعوب المختلفة على وجه الارض ستذهل مما يحدث في مصر .. ستجد سيدات لا يكفرن العشير ولا ينسين كل خير فعله الرجل معها ويتذكرن فقط كل موافقه السيئة حين يحدث خلاف بينهما.
انا لا ادعو الى اي شيء لا سمح الله وانما احببت ان اطلق صرخة يجيش بها صدري واعلم ان الصرخة نفسها تتردد في صدور ملايين الرجال في مصر.

_________________

يااااااااااااااااااااه
والله انا تعبت عبال مكملت المقال
انا معاك في هذه الصرخه واطالب بها ايضا
نفسي والله الستات تعقل شويه (عارفه ان فيه ناس هتقول متخلفه)
عادي انا اغلب او كل افكاري كده متخلفه بس مريحاني وده اهم شيء
بس برده يا احمد زي مالست كده اكيد الراجل اضطرها لانها تعمل الحاجات دي
وانا موافقه ان ينزل قرار بالغاء كل القوانين بتاعه المرأه دي وتنظم قانون واحد صارم في حاله
تعرضها لاي ضرر من سي ادام
انا لسه مجربتش وربنا يكفيني شر الناس الوحشه
وعلي العموم اللي مش عاوز يتجوز مصريه ايه يعني مش مشكله مش هنموت احنا كمان علي المصريين مالهم التركيين ولا الكوريين هههههههههه

_________________
لئن سألتني يارب عن ذنبي يوم القيامه.....لاسألك عن رحمتك
ولئن سألتني يارب عن تقصيري..........لاسألك عن عفوك
ولئن قذفتني في النار لاخبر اهل النار ....اني احبك
فاجعلني عبدا اما طائعا فأكرمته..واما عاصيا فرحمته

كبيركوا صيني او تايواني بالكتير لكن كوري دي وسعت منك شوية
ههههههههههههههههههه

_________________

ههههههههههههههه

الرجال قوامون على النساء ..

ده مش كلامي ده كلام ربنا ..

وجمال المرأة في ضعفها .. بس لما تطلعلها عضلات ..
يبقى
ما حدش يتوقع مستقبل كويس

طيب ليه هي تطلع عضلات ؟
ليه بنبص دايما في الموضوع ده للنتيجه من غير منشوف السبب؟؟
محدش ملاك كل واحد عنده عيوب ومميزات
وربنا خلق قدرات لكل واحد
يعني ربنا خلق الست من اقل كلمه يضحك عليها وتسامح
وخلق الراجل صاحب العقل علشان يعدي الامور ويمشيها
ايه بقي اللي بيحصل
جهل وتخلف من الاتنين

_________________
لئن سألتني يارب عن ذنبي يوم القيامه.....لاسألك عن رحمتك
ولئن سألتني يارب عن تقصيري..........لاسألك عن عفوك
ولئن قذفتني في النار لاخبر اهل النار ....اني احبك
فاجعلني عبدا اما طائعا فأكرمته..واما عاصيا فرحمته

برده صح ..

برافو يا ايمان

بس غالبا هيتبروا منك لو رديتي تاني

_________________

ايمان سيادتك تبع مين بالضبط؟

بغض النظر متهايألي يا عمرو
لو قلت جمال المرأه في رقتها احسن من جمال المرأه في ضعفها
وهي تكون ضعيفه ليه؟ خير الامور الوسط
وبعدين متهايألي ان الحالات اللي قالها احمد دي حالات شاذه
و زي ما في زوجات مبهديلين ازواجهم كده في العكس برده
اينعم انا مش مع كل القوانين دي و أينعم جمال الرجل في قوته
بس اكيد كل شيئ بالعقل يعني ميكونش سي السيد مثلا

وبصراحه انا مع احترام المرأه لجوزها عشان الرسول عليه الصلاة والسلام وصى على كده
في حديث بس انا مش فاكراه بالنص

بس برجع و اقول كل شيئ بالعقل
وانا ديما بشوف ان نجاح اي علاقه بين اي اتنين هي الاحترااااااااااااااااام
والله لو كل واحد بيحترم التاني وبيقدر مشاعره مش هيبقى فيه اي مشاكل
ده رأيي بكل تواضع

هدير انا بمسك العصايه من النص
ركزي في جملتين انا قلتهم
بس برده يا احمد زي مالست كده اكيد الراجل اضطرها لانها تعمل الحاجات دي
وانا موافقه ان ينزل قرار بالغاء كل القوانين بتاعه المرأه دي وتنظم قانون واحد صارم في حاله
تعرضها لاي ضرر من سي ادام

يعني ربنا خلق الست من اقل كلمه يضحك عليها وتسامح
وخلق الراجل صاحب العقل علشان يعدي الامور ويمشيها
ايه بقي اللي بيحصل
جهل وتخلف من الاتنين

_________________
لئن سألتني يارب عن ذنبي يوم القيامه.....لاسألك عن رحمتك
ولئن سألتني يارب عن تقصيري..........لاسألك عن عفوك
ولئن قذفتني في النار لاخبر اهل النار ....اني احبك
فاجعلني عبدا اما طائعا فأكرمته..واما عاصيا فرحمته

طب والله انا نفسي اجوز راجل شديد كده وقوي

نفسي اجوز راجل بس زي الرجالة من خمسين سنة فاتت كده

ههههههههههههههههههههههههه

انا معاكى ياايمان بصراحة
بس فى حاجة فى ان زى مافى سيدات كدة فى رجالة اكتر من كدة
والله بشوفها بعينى فى حياتى اليومية من قريبى واى حد ممكن اعرف عن الجوزها بيعمله فيها
على اد برضة ما بشوف سيدات تعمل كدة فى جوزها وتبهدله فى العكس

وبصى ياهدير عمرو اكيد مش قصده ضعفها يعنى ضعفها اكيد هو يقصد

ان الست جمالها فى ضعفها يعنى ضعفها بمشاعرها اظهرها
يعنى الست ديما عاطفية والعاطفة اكتر حاجة بتمشهااااا يعنى بتمشى ورا قلبها
واكيد قصده انها لما تظهر ليه مشاعرها وحبها احسن ما يطلع ليها عضلات

وكمان انا شوفت وبعينى وسمعت بودانى والله واحد زى اخويا بالنسبة ليا اتكلمنا فى موضوع
الجواز يقولى انا عاوز اتجوز من برة مش مصرية
فضلت معاه لحد ما اثبت ليه ان المصرية تتعبر احسن واحدة لانها على الاقل
تعرف الحياة هنا مش زى برة
ولما اثبت ليه عليا وكدة بما انى بنت ويوم من الايام هكون ام وكدة
قالى يابنتى انتى متعرفش الناس بقيت عاملة ازاى انتى حاجة مختلفة عنهم

قولته لا اككيد فى زيىىى كتيررر
ورجعنا نتكلم تانى عن الجواز من واحدة مطلقة او ارملة يقولى مهرهم اقل بكتير
من لما تكون بكر
قولته ياسلالالالام حلو اوى دة قالى يااميرة انتى بنت ومش ولد وانا خطبت قبلكدة وشوفت
الناس استغلال قولته مش الكل قالى بس الاكترية كدة

قولته بس الرسول اوصى ان الشاب اول جوزته تكون من بكر قالى ما هى الناس بتاخد الكلام
دة وبتفسره على مزاجهاااا
وفى الاخر رجعنا لنقطة الاصل اننا محدش فيا عرف يقنع التانى

اما بقى بالنسبة ليا موضوع الشغل دة انا نفسى اتشتغل بس فى حاجة لو انجبت هعد من الشغل
ويحرق الشغل على الى عاوزها بس اهم حاجة بقى هتكون عندى ابنى اوبينتى اربيها احسن
حاجة على قواعد الدين وعلى الحياة الصح لان اكيد الزمن بتاعتهم هيكون اوحش من زمانا

ماعلينا الا اننا نربى صح وبعد كدة هما يتعملوا مع الواقع بتاعتهم زى مااهلنا عملوا فينا

وصدقنى يااحمد زى ما الصرخة الجواك دى ناحيت السيدات
فى برضة صرخة قوية اوووووووووى من السيدات

اقولك حاجة انا بدات افقد الثقة فى الرجالة كلهم
اناكنت حطة فترة توقيع على الميل بيقول ايه

(تعلمت احترم البشر ولكن اثق بالكلاب ولا اثق بالاحباب وتحياتى لاحباب حياتى)

والتوقيع مش لحد معين زى ما الناس افتكر لكن بالعكس دة من فعلا من الى بشوفه
فى حياتى ولما بتفرج على مسلسل واشوف القى الراجل راح اتجوز واحدة تانية

يالذمة دة ينفع وبعد ما الزوجة الاولى تعمل وتضحى وتوقف جنبة جزاتها الجواز عليها

وسمعت فى المسلسل بقوله ايه انت بتشرب وكدة قاله لا قاله يبقى ليك فى النسوان

قولت لاهلى وقتها انا مبقش اثق ى حد
اانا خايفة فى وقت اشك فى اخويا او بابا

يعنىىىىى بجددددددد فى رجالة عاوزلهااا الذبححححح وحلال فيهم كدة

وفى برضة سيدات عاوزلهاااااااااا الشنق وحلال فيهم كدة

واسفة على الاطالة