ايه اللى عمله كل واحد فينا بعد الامتحانات وكان احساسه ايه بعد اول اسبوعين من نهاية الامتحانات ؟

وهبدا بنفسى ... انا اول ماخلصت امتحانات قلت مضيعش وقت وابدا ادور على شغل مؤقت لحد ماتظهر النتيجه واستكمل اوراقى او اسئل على كورسات فى حاجه دى اعتقد عدانى العيب وكانت النتيجه الحمد لله (امطينه بطين امهبب متعاصه فى زفت متلحوسه بقطران ومتزينه من فوق بخيبه منيله بنيله) فجاه الشغل اختفى مع انه كان بيجلى لحد عندى فى الامتحانات وان لقيت ياما عايز ورق لاكون خلصت الجيش او اكون جيت متاخر او اكون معنديش خبره قلت يواد عادى اصبر شويه استنى شويه على الشغل وبص على الكروسات وبدات ادور والحمد لله كانت حاجه تدعو للتفاؤل ياما لقيت كورسات كويسه بس عايزه ميزانيه لوحدها او كورسات وقفت قدمها متنح مش عارف هى بتاعة ايه او ربنا كرمنى والاقى حاجه مخفضه بس عايزه اوراق شوفتو الخيبه التقيله المهم بعد اسبوعين من الامتحانات الحمد لله جالى اكتئاب وحسيت انى حاجه كده ملهاش لزمه او اى دور فى الدنيا وقلتها احسن حتى التعب ياجدعان مش عارفين نلاقيه بصراحه ياشباب انا محبط بطريقه رهيبه لا واللى زاد وغطى وكان هيخلينى انتحر اراء اللى عندى فى العائله عم الحج ابويا يقولى استريح شويه هى الدنيا هتطير وواحد قريبنا كنت عايز انط فى كرشه لما لقيته بيقولى انت المفروض متبداش تياس الا بعد عشر سنين شوفتو الفرسه اللى انا فيها بجد ربنا يلهمنى الصبر ياما انحرف واريح دماغى يالا بلا خوته............

ده كان ردى على اول موضوع مستنى ردودكم اولاد وبنات والنبى لتردو علشان متجننش لوحدى.