اهلا بكم في عالمنا الخاص

منتديات شباب نظم
 
دخولس .و .جالتسجيلبحـثالأعضاءالمجموعاتالرئيسية

شاطر | 
 

 عندك حق يا ام حمادة !!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
amrbooki
مشرف
مشرف
avatar

ذكر
عدد الرسائل : 2513
العمر : 30
Emploi : helwan univ ( accounting
تاريخ التسجيل : 28/03/2007

مُساهمةموضوع: عندك حق يا ام حمادة !!   الثلاثاء 27 نوفمبر - 3:27

فوجئت اثناء وجودي في البوسطة بحوار بين سيدتين
عندهم ما بين الـ 70 الى 80 سنه .

تقريبا كانوا بيقبضوا المعاش بتاعهم ..
وكان الحوار عادي جدا زي اي سيدتين وفي سنهم .
بيتكلموا عن الاكل والغسيل و العيال اللي بتلعب ورة وتصحيهم .. والمعيشة والغلاء والقرف والخ الخ الخ .

بس الغريب في الحوار ده انه بدأ ياخد الطابع السياسي .
وده اخر حاجة اتخيلها من سيدتين .. لا .. وفي العمر ده .
خصوصا انهم سيدات من منطقة شعبية .

بس الحقيقي في الموضوع ان الحوار كان جميل جدا .
والجميل في الموضوع ان كل واحده اتكلمت وقالت رايها بكل صراحة بدون مونتاج او قطع او رقابه .


الحوار بدأ بأن واحده قالت انها خلاش كبرت على انها تيجي البوشطة لوحدها والشواقين بيبهدلوها .
وان رجليها تعبت .. بش حتعمل ايه .. من غيره مش حتقدر تعيش

ولما عرفت ان المبلغ اللي هي جاية تاخده حوالي 90 جنيه .. كنت عايز العن الحاجة اللي مخلياها متبهدله كده .
يااااااااااااه ..
اساسا المبلغ يساعد على الموت مش يساعد على الحياة .


المهم الست قعدت تحكي عن ازازة الزيت اللي كانت بكذا وبقت بكذا . والجبنه و العيش و و و ..
دخلت التانية في الحوار
وقالت اصل الحكومة دي كذا وكذاوكذا وكذا ..

ثم بدأ الحوار السياسي براي واحده عجوز لما اتكلمت عن الرؤساء وقالت ان حسني مبارك
تعبني وجابلي روماتيزم
كل حاجة غليت في زمنة الاغبر (مش كلامي هاه .. الكلام لابو دبورة )
وما بناخدش غير كلام وحديت .


وكل ما يتصور يجيبوه هو وابنه وواحده ست كركوبه قافشة في رقبتهم وبتبوسهم
هي الست دي مش بتموت ياختي ؟؟ هئ هئ هئ هئ هئ
ولقيت نفسي ميت من الضحك معاهم .

لقيتهم بصولي وواحده قالتلي .. والنبي يابني انتوا غلابة وايامكم سوده وهباب .. ربنا معاكم .

راحت واحده قايلة ان ايام عبد الناصر كان الشعب كله جعان
ينام جعان ويقوم جعان
بس كان رافع راسه ومحدش يعرف يكسر عينه .
بس من ساعت ما جه السادات وصالح اليهود ولاد الـ ****
وقالنا شدوا الحزام ..
من ساعتها واحنا عمالين نشد في الحزام .. ونزود في الخروم
لغاية ما بقى الحزام كله مخرم
يعني خروم وطالعلها حزام .. هئ هئ هئ هئ هئ
وانا انفجرت من الضحك

راحت واحده عرفت من الكلام ان اسمها ام محمد قايلالهم
بصي يا حجة

البلد اللي يحكمها ملوك .. اي حد يحكمها بعدهم يبقى جربوع وحرامي


اللي فكرني بالحوار بتاع البوسطة ده .. برنامج استضاف فيه الملكة فريدة تقريبا بنت الملك فاروق

الكلام بتاعها فعلا خارج من بيت ملكي ..
ومش معنى كده ان الكلام طالع من المناخير ..

لا بتاتا ..

كلامها كان بمنتهى اللطف و الخجل و الكبرياء و التواضع ..
جميله وهادية ورومانسية و عندها مبادئ
والمبادئ دي اللي اتربت عليها من اول جدودها لغاية ابوها .

وقالت كلمة .. خليتني فخور بيها اوي ..
لما سالها المذيع عن شعورها لما بتمر من جنب قصر العروبة اللي هو بتاع عيلتها وجدودها اساسا
وكانوا عايشين فيه واتاخد منهم ..

قالت في مصر بيقولوا يوم عسل ويوم بصل ..
يبقى ليه اعيش العسل و مش اعيش البصل ..

انا كل غايتي في الحياة اني اكون في مصر .. انا كنت حموت لما سبت مصر
وكان كل همي اني ارجع مصر حتى لو حعيش في الشارع ..

بمنتهى السهولة و منتهى الرقة .
كانت بتتكلم بقناعة غريبة ورضا غير طبيعي .


الحوار ده كان في كذا حلقة .. يبان منها قد ايه المبادئ كانت موجوده عند العيلة المالكة في مصر
ويبان قد ايه كانوا متعلمين ..
وبيدوا لكل حاجة حقها .. وفي قناعة ورضا و وبروتوكول وطبيعة فعلا ملكية
تقدروا بعد الحوار ده تغيروا فكرتكم تماما عن الملكية


وتقدروا تحددوا بعدها ..
استفدتوا ايه من الثورة .. غير عودة الملكية بطريقة ملوخية


فعلا عندك حق يا ام حمادة
الرجوع الى أعلى الصفحة اذهب الى الأسفل
nour el hoda
مشرفة
مشرفة
avatar

انثى
عدد الرسائل : 2588
العمر : 30
تاريخ التسجيل : 28/03/2007

مُساهمةموضوع: رد: عندك حق يا ام حمادة !!   الثلاثاء 27 نوفمبر - 3:42

فعلا عندك حق يا ام حمادة

شكرا يا بووووووووووووووووووكى
على موضوعك الجميل ده
هو ده حال البلد النهارده
ولسه الايام اللى جايه هتكون زفت

_________________
اذا سالت عن الحب.......فهو في قلب حبيبي
اذا سالت عن الوفاء.......فهو في طبع حبيبي
اذا سالت عن الصدق.....فهو في كلام حبيبي
واذا سالت عن الحنان.....فحنان الدنيا تجده في
نظرة من عين حبيبي
الرجوع الى أعلى الصفحة اذهب الى الأسفل
no one
مشرف
مشرف
avatar

ذكر
عدد الرسائل : 2741
العمر : 31
Localisation : west el balad
تاريخ التسجيل : 15/04/2007

مُساهمةموضوع: رد: عندك حق يا ام حمادة !!   الثلاثاء 27 نوفمبر - 8:33

يا سلام وحشتني مواضيعك يا عمرو و الله
سلملي علي ام محمد لما تشوفها و النبي
اه الملكة فريدة مراة الملك الفاروق الاولي مش بنته علي فكره
الرجوع الى أعلى الصفحة اذهب الى الأسفل
emy
مراقب
مراقب
avatar

انثى
عدد الرسائل : 1818
تاريخ التسجيل : 04/08/2007

مُساهمةموضوع: رد: عندك حق يا ام حمادة !!   الثلاثاء 27 نوفمبر - 9:14

يالهوي الحوار بالنص معاهم هههههههههه
بس والله بجد فيه ناس اكتر من كده فقر تقريبا ماتو
بس فيهم نفس ومحدش يعرف عنهم حاجه بلاش احكي
احسن انا لما بفتكر ببقي خلاص هنتحر
بس الموضوع حلو جدا يا عمرو
وبالنسبه للملوك وفروق وكده كل زمن وكان ليه حاله
وانا اعتقد ان عصر محمد علي كان كويس بعض الشيء
يالا عاوزين المره اللي جايه بقي ياتري هتكون حوار سمعتو فين
بس بالتفصيل اكتر بقي يعني ساكنين فين وكده
الرجوع الى أعلى الصفحة اذهب الى الأسفل
اميرة الحنين والاحساس
مراقب
مراقب
avatar

انثى
عدد الرسائل : 1908
العمر : 28
تاريخ التسجيل : 04/11/2007

مُساهمةموضوع: رد: عندك حق يا ام حمادة !!   الثلاثاء 27 نوفمبر - 12:09

حلو اوى اوى اوى او ى
الرجوع الى أعلى الصفحة اذهب الى الأسفل
no one
مشرف
مشرف
avatar

ذكر
عدد الرسائل : 2741
العمر : 31
Localisation : west el balad
تاريخ التسجيل : 15/04/2007

مُساهمةموضوع: رد: عندك حق يا ام حمادة !!   الثلاثاء 27 نوفمبر - 16:37

ايه يا ايمان انتي وصلتي لمحمد علي كمان
و لا يا عمرو نسيت اسألك طيب محمد فين من كل دا
الرجوع الى أعلى الصفحة اذهب الى الأسفل
SUBziROOO
مشرف
مشرف
avatar

ذكر
عدد الرسائل : 636
العمر : 31
Localisation : giza
تاريخ التسجيل : 01/04/2007

مُساهمةموضوع: رد: عندك حق يا ام حمادة !!   الأربعاء 28 نوفمبر - 0:58

موضوعك
انهاردة

10/10

شاطر
الرجوع الى أعلى الصفحة اذهب الى الأسفل
 
عندك حق يا ام حمادة !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلا بكم في عالمنا الخاص :: المنتدى العام :: المقالات السياسية-
انتقل الى: