اهلا بكم في عالمنا الخاص

منتديات شباب نظم
 
دخولس .و .جالتسجيلبحـثالأعضاءالمجموعاتالرئيسية

شاطر | 
 

 مصر دولة غنية!!!!!!!!!!!!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
veto
مراقب
مراقب
avatar

ذكر
عدد الرسائل : 476
العمر : 29
تاريخ التسجيل : 07/10/2007

مُساهمةموضوع: مصر دولة غنية!!!!!!!!!!!!!!!   الأحد 16 ديسمبر - 0:44

[size=21]انا هقول معلومة بس مش عايز ضرب ولا شتيمة ولا طماطم ولا أى نوع خضار أو فاكهى يتحدف عليا
المعلومة صحيحة 100% بس فيه مش هتقتنع !!!!!

المعلومة بتقول :::

مصر بلد غنى (وغنى جدا كمان
طب فكر معايا كده ::

بنطل على بحرين من أغلى بحار العالم
وعندنا النيل
و قناة السويس (أهم معبر مائى فى العالم)
وعندنا 1/3 أثار العالم
وعندنا بترول وغاز طبيعى بكميات رهيبة
وعندنا صحراء واسعة مليانة معادن وخيرات (زى الفسفور اللى احنا رقم 1 فى العالم فيه)
وعندنا أحسن قطن فى العالم (عفوا :: هو رقم 2 بعد اسرائيل من بعد ما يوسف والى وزير الزراعة الأسبق صدر البذور المصرية لاسرائيل و دمر الزراعة المصرية بالمبيدات المسرطنة )
وعندنا عقول رهيبة صناعية وتجارية
و عندنا تربة زراعية من أحسن ترب العالم
وعندنا ثروة حيوانية وداجنة رهيبة
وعندنا ....
اى حاجة من الحاجات دى لوحدها ممكن تعيش الشعب كله مرتاح
بجد والله ..
وده مش كلامى ده كلام ناس خبراء بالاقتصاد

والدليل كمان ان مصر أيام الملك كانت مداينة بريطانيا (أغنى دولة فى العالم وقتها)
والدليل كمان ان مصر طول عمرها من أغنى مناطق العالم من أيام سيدنا يوسف لما كانوا بييجوا من البلاد التانية يطلبوا مننا الأكل .. يعنى مصر كانت بتأكل العالم العربى كله

وبدليل كمان ان مصر بقالها كام الف سنة بتتسرق ولسة فيها خير ولسة غنية
وبدليل كمان التقرير اللى اعلنته لجنة مستقلة فى البنك الدولى من كام سنة ان مصر تمتلك من الخيرات والثروات (وذكروا ضمنها العنصر البشرى) ما يؤهلها لأن تصبح دولة من أغنى دول العالم اذا أستغلت هذه الخيرات والثروات بشكل صحيح

الناس دى مش بتكدب علينا يا جماعة

هى دى الحقيقة احنا دولة غنية جدا جدا


طبعا واحد ناصح هيسألنى امال احنا حالتنا كده ليه؟؟
وكتير الحقيقة بيسألونى (علشان فاكرين انى أبو العريف بقى)
يعنى احنا ليه عايشين العيشة دى رغم الغنى الفاحش اللى بتقول عليه ؟؟

فقر وجوع وجهل وبطالة والمرتبات بتقل وكل حاجة بتغلى الا الانسان (والانسان المصرى بالذات)
بيرخص (وبيرخص أوى كمان)
والعشوائيات بقت أكتر من البيوت المحترمة
والشحاتين بقوا تلت البلد والحرامية التلت التانى والتلت التالت هو اللى بيتسرق من الحرامية وبيبتز من المتسولين
والسرطان انتشر بشكل بشع (والبركة برضه ليوسف والى - اليهودى الاصل على فكرة)
وبقينا أكثر الدول اللى فيها فيرس سى (ما شاء الله )

لا وأخيرا المية اللى بتتقطع عن القرى بل وعن وسط البلد نفسها (رغم اننا على أطول وأعظم أنهار العالم )
!!!!!!!!!!!!!!!!!!!!!!!!!!!!!!!!!!!!!!!!!
ليه كل ده ؟؟

انا هحكيلكم قصة قصيرة جدا بس هتفهمكم سبب من ضمن الاسباب[/size]


يحكى أن كان فيه تاجر دواجن فى أيامه الاخيرة
فنادى وهو على سرير الموت على ابنه وقال له انا عايز اتأكد انك تقدر تدير تجارتى من بعدى
طبعا قاله اطمن يا ابا وموت مرتاح ده انا تربيتك
الاب قاله طب هات كرتونة الكتاكيت دى وادلقها على الأرض
دلقها الولد وهو مش فاهم الكتاكيت طبعا جريت يمين وشمال
بعدين الاب قاله لم الكتاكيت تانى
الولد قعد يلم فى الكتاكيت ساعة من هنا ومن هنا وكل ما يلم شوية الباقى يجرى و..
المهم بعد ما خلاص مات من التعب لمهم
الاب قام وقاله بص عليا واتعلم
قام الاب ماسك الكرتونة وهى مقفولة وقعد يهز فيها ويرج فيها جامد اوى وقعد يخبط فيها
بعدين دلقها
الكتاكيت فضلت قاعدة مكانها وممشيتش خالص من الدوخة والتعب اللى هما فيها


وطبعا الاب لمهم بكل سهولة
الاب قال لابنه اتعلم يا ابنى

كل ما تتعب كتاكيتك كل ما تعرف تلمهم وتسيطر عليهم بسهولة
وكل ما تريحهم كل ما يتنمردوا عليك

طبعا مش محتاجين أقول مين هو الأب ومين هو الابن

فيه أسباب تانية ؟؟
أكيد فيه أسباب تانية
منها مثلا ان المدير اللى مش منتخب من الموظفين مش هيشتغل لمصلحة الموظفين لكن هيشتغل لحساب الباشا اللى معينه (ومش محتاجين برضه أقول مين المدير و مين الباشا)

كمان بص فى الجرنان وشوف فيه كام مليار من القروض اللى اتسرق واتهرب بره الدولة
والطبيعى ان 20% فقط من السرقات اللى بيتكشف ويمكن اقل كمان
وتخيل بقى ان فيه مايقرب من 100 مليار تم سرقتهم (دول اللى اتكشفوا) فى الفترة الاخيرة
100 مليار يعنى 100 ألف مليون (يعنى لو وزعناهم على الشعب كل واحد ياخد حوالى 1500جنيه شوف بقى ال100 مليار دول كان ممكن يبنوا ايه ويعمروا قد ايه فى مصر .. وغيرهم وغيرهم

كمان لما تعرف ان ميزانية أمن الدولة والأمن المركزى 10 اضعاف ميزانية التعليم فى مصر فبرضه هتعرف سبب كمان

ولو فكرت شوية ممكن تقتنع بكلامى وممكن تعرف أسباب كتير تانية ,, بس ابقى قولى عليها


ولك الله يا شعب مصر


وكما قال الشاعر ::


كم فى مصر من المضحكات .. ولكنه ضحك كالبكا
[/size]منقول
الرجوع الى أعلى الصفحة اذهب الى الأسفل
no one
مشرف
مشرف
avatar

ذكر
عدد الرسائل : 2741
العمر : 30
Localisation : west el balad
تاريخ التسجيل : 15/04/2007

مُساهمةموضوع: رد: مصر دولة غنية!!!!!!!!!!!!!!!   الأحد 16 ديسمبر - 1:17

طول عمرنا اغنية بس

الفكرة اننا بنتسرق

عارف ليه

عشان احنا كتاكيت
الرجوع الى أعلى الصفحة اذهب الى الأسفل
GLADIATOR
مراقب
مراقب
avatar

ذكر
عدد الرسائل : 633
العمر : 28
Localisation : EL MAADI .CAIRO
Emploi : FACULTY OF COMMERCE AND BUSINESS ADMINISTRATION
تاريخ التسجيل : 04/11/2007

مُساهمةموضوع: رد: مصر دولة غنية!!!!!!!!!!!!!!!   الأحد 16 ديسمبر - 11:20

هى دى الحقيقه يا راجل احنا كده هنروح امن الدوله
الرجوع الى أعلى الصفحة اذهب الى الأسفل
amrbooki
مشرف
مشرف
avatar

ذكر
عدد الرسائل : 2513
العمر : 30
Emploi : helwan univ ( accounting
تاريخ التسجيل : 28/03/2007

مُساهمةموضوع: رد: مصر دولة غنية!!!!!!!!!!!!!!!   الأحد 16 ديسمبر - 12:28

قديمة ..

بس


اليمة

الرجوع الى أعلى الصفحة اذهب الى الأسفل
 
مصر دولة غنية!!!!!!!!!!!!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلا بكم في عالمنا الخاص :: المنتدى العام :: المقالات السياسية-
انتقل الى: