اهلا بكم في عالمنا الخاص

منتديات شباب نظم
 
دخولس .و .جالتسجيلبحـثالأعضاءالمجموعاتالرئيسية

شاطر | 
 

 انا وهواك وحبك والبطيخ؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
SUBziROOO
مشرف
مشرف
avatar

ذكر
عدد الرسائل : 636
العمر : 31
Localisation : giza
تاريخ التسجيل : 01/04/2007

مُساهمةموضوع: انا وهواك وحبك والبطيخ؟؟؟   الإثنين 18 فبراير - 20:33

والموضوع طويل انصحكوا تلبسو نظاره
والى مش هيفهم الموضوع يبقا يمسع محطة نجوم افم ام عشان يعرف

نبدا


مع اوووسامة منير
الحب

ذلك الشعور السهلبيسي الذي يزعزغ عقول البشر

و يهشك قلوبهم


مستمعينا لسه بنتكلم عن الحب وحلقتنا النهارده عن

الاستهبال في الحب
معاكم اسامه منير علي نجوم fm مزيكا علي كيف كيفك

في.. انا و البطيخ و هواك

من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية زعبله كومباني و ان تاتش و كريمات زحلقها



دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
و الشعور دا متولد و منبثق من الاحساس التواجدي الكوني في اللامركزيه العصبيه للقلب
و دايما بتقابلنا مواقف كلها استهبال في الحب
ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
وخصوصا اننا جيل موبايلات و انتوا عارفين ان انا عندي 60 سنة فحاسس بيكم و حاسس بمشاكل الجيل كلها ...



اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما الرصيد يقرب يخلص تقولها بحبك بحبك امموووه
تقولك انت بتستهبل يا حبيبي اتلم لساوريس يشوفنا



او حبيبتك اللي تفضل تكنسل عليك تكنسل عليك عشان استخسرت فيها كوزين درا علي الكورنيش
و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل ..
فتضطر تصالحها بكارت ب 5 و تستهبل .. تلاقيها بتصرخ في وشك و تقول
انت بتستهبل؟؟
اقل من 100 متورنيش وشك



و حبيبك اللي ييجي في اوقات يعمل فيها عالم فلك و يقولك انا بقرا الكف
و يفضل يفعص في كف ايدك ولا كأنه شاف ايدين قبل كدا
و في الاخر تقوليله
انت بتستهبل ؟؟ حد يشوفنا
و انتوا اساسا قاعدين في الشارع
مستمعينا الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه
وممكن مغص كلوي


مستمعينا مستني تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية زعبله كومباني و ان تاتش و كريمات زحلقها ياما زحلقها



نستقبل اول اتصال تليفوني و نقول الوو

الوو


الووو


الووووو



- الوو ايوا يا اثامه

اهلا نتعرف بيكي ..

- بثمه من ؟؟؟؟؟؟؟
اهلا بيكي يا بسمه ياريت تعلي صوتك شويه

- معلش يا اثامه اثل انا بتكلم من تحت البطنية ..

مفهوم طبعا عشان محدش يقفشك و انت بتتكلمي
بثمة بنتكلم النهارده عن الاستهبال في الحب .. تقدري تقوليلي يعني ايه الاستهبال في الحب و بيمثل لك ايه

- بص يا اثامه اولا انا بموت موت موت جدا طحن في البرنامج بتاعك و والله مش بفوت ولا حلقة منه ابدا خالث
و ثلملي علي الشقي الحكروت موت موت حتومه و قوله انه لذيذ اووووي و بنحبه مووت موووت ..


هو بيضحك وفاتح بقه زي الحمار اهوه و بيقولك
مرسي ليكي يا بسمه


- يا اثامه انا بكلمك عشان الحلقة بتاعتك النهارده مخثوث عشاني
انا كنت بحب واحد و انا في 2 ابتدائي و فضلنا نحب بعض للجامعة


جميل


- اهـء اهـء اهـء


لا اهدي يا بسمه و قوليلي ايه اللي حصل

- يا اثامه اخد كل حاجة كل حاجة

اححمم
حتى الموبايل


- يا اثامه بقولك كل حاجة
اهـء هـء هـء

طيب اهدي يا بسمه
بصي يا بسمه
الحب شعور متبادل بين اتنين
مينفعش طرف واحد من غير الطرف الاخر و لازم الاتنين يكونوا متفاهمين و متعاونين
هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد
بـــــــــــــ رغوته الجديدة حل المشكله
مستمعينا نسينا نقول ان تايد من رعاة البرنامج
مع تاااااايد في الغسيل مفيش مستحييل
بشكرك يا بسمه علي اتصالط و بهديلك اغنية السوبر ستار ؟؟؟؟؟؟؟


يا قاعدة علي الترعه و بتغسلي المواعين

جاتك ستين وكسه دا شرفك بقى في الطين




نص ساعة اعلانات ..




انا و البطيخ و هواك برنامج للحب و عن الحب
مع اوووووسامه منير



الحب
لحظات من الامل متولدة في وسط غابات الغضب البشري الجارف المتعارض مع احداث الحياة
فالحياة بدون حب
كالشجرة بدون موبايل ..

مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية زعبله كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..



الوقت بيمر معاكم بسرعة و حاتم بيضحك مش عارف علي ايه بس تقريبا عشان البت اللي بتبيع ترمس علي كوبري ابو العلا حولت له 5 جنية رصيد ..


نستقبل اتصال تليفوني و نقول الووو

الووو

الووو


الوووووو

الظاهر الخط قطع

الوو ايوا يا اسامه

اهلا نتعرف بيكي
ياريت تعلي صوتك لان الصوت بعيد اوي

الوووو

انا اسماء من ؟؟؟
اهلا بيكي يا اسماء


سمر بتكلم النهادرة عن الاستهبال في الحب
انت ايه رأيك في الاتستهبال عامة و خصوصا في الحب
انا اسماء المهم
_اسامة
انا عاوزه اقولك في الاول انت انت احلى و اجمل اعلامي و صوت شفته في حياتي و انا بسجل كل الحلقات بتاعتك و بحبك اوووي يا اسامه

ربنا يخليكي يا سماح ..
اسماء ......... اسماء
انا كنت بحب واحد نجار مسلح و بعدين كنت في يوم ماشية في الشارع لابسه باضي جميل و ديق موووت و بعدين واحد عاكسني فحبيبي شلحف

مين يااسماء ؟؟

_شلحف هو اسمه شادي بس انا بدلعه شلحف
قام ضارب الواد اللي عاكسني بالعتله الحديد شاقق له دماغه
هو دلوقتي في السجن
و انا بحبه اوي يا اسامه و مش عارفه اعمل ايه
و اهلي بيضغطوا عليا مووووت مووووت عشان اتجوز واحد قد ابويا
اسامه انا مش عارفه اعمل ايه

بصي يا سيدة

_اسماء

اه سوري

بصي يا اسماء

بنقابل ناس في حياتنا بنحبهم و بيحبونا و ديما كتير بنكون شبهمم و زيهم .. حتى الحب نفسه سعات بيحب انه يتكون على حبيب و حبيبه
و حبيبك بيحبك و ان شاء الله يطلع بالسلامة
بس تعرفي هو لو كان العتله الحديد مصنوعه من حديد عز اكبر مصنع في الشرق الاوسط و المصدر الرسمي لحديد الجدار العازل لاسرائيل كان حبيبك زمانه مشنوق دلوقتي لان حديد عز يتميز بالصلابه و القهوه و السيخ مظبوط و بالتمام ..

شكرا يا ساره على اتصالك و بهديلك اغنية السوبر ستار ؟؟؟


يا مسجون في لومان طره

نفسي اكل معاك كوز دره




مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية زعبله كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..



نص ساعة اعلانات



مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية زعبله كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..

اس ام اس كتيرررر جدا النهاردة




هااي اسامه بحبك مووت... وبحب صوتك .. صوتك بيريحنى ولا احسن علبة دوا اسهال .. بجد وهدؤك بالكلام انا بحبه اوى موووت انا اتعرفت على واحد من ع النت وقابلته بس نفسى احسسه بمشاعرى اعمل ايه ارجو الرد يااحلى اعلامى واعذب صوت فى الكون..
____________ ______

هاى يااسامة ازيك يا جميل
البرنامج جميل جدا وانتة كمان مواضيعك تحفة .. وعايزاك تقول لجابر انى بحبه جدا وميزعلش منى ابدا.. رغم كل اللي بيعمله و رغم انه قليل الادب و دايما بيعمل حاجات سوفاج بس بحبه
اصل انا منحرفه و بحب الانحراف ..
بحبك يا تامر
قصدي يا جابر
حبيبتك شاهيناز

____________ ______



____________ ______


هااي يا اسامه انت اجمل و احلي صوت في الكون كله
ارجوك يااسامه قول لحسن انه مهما دور على حد ممكن يحبه ويسامحه ويغفر له كل حاجه مش هيلاقى غيرى لانى بحبه بصدق ومش عاوزة منه اى حاجه
خالص.. و هتنازل عن تمن الموبايل اللي ضربوا مني في الشهر اللي فات و باعه و جاب بيه كله عشان يشمها ..

____________ ______


هاااي يا اسامه ازيك عامل ايه
انا عارفه ان الحب مفهوش كرامه وهو الى خلانى بقيت كدة ازاى بعد كل دة هو اللى يبعد ويختار هو علمنى ازاى معرفش اعيش من غيرة ونسى يعلمنى لما يبعد هعيش ازاى ... بحبك يا بعجررر
____________ ______

هاااي اسامه ازيك
انا سنية من القاهرة
انا بحب واحد قد ابويا و مش عارفه اعمل ايه بحبه موووت مووووت يا اسامه عشان شعره الابيض الجميل و فجأة اكتشفت انه سمكري سيارات و ان البويه جت علي شعره
اسامه انا مش عارفه اعمل ايه انت املي الوحيد
____________ ______




الوقت بيمر معاكم بسرعة وقت حلقتنا انتهى و حاتم فرحان مش عارف ليه
باين البنت بتاعت الدره حولت له رصيد تاني
كان معاكم اسامة منير علي نجوم اف ام مزيكا علي كيف كيفك
في انا و البطيخ و هواك من 12 لـ 2
بشكر كل اللي كلمنا و اللي بتعت ا س ام اس
مع انا و البطيخ و هواك استنوتا يوم الحد في نفس الميعاد قبل ساعتين من دلوقتي علي نجوم اف ام 100.6
مزيكا علي كيف كيفك

برعاية



ان تاتش
و ماكدونالدز
و مؤمن
و اريال و تايد
خديجه جمال مبارك
سوزان
و كنتاكي
و مصنع كوبايات ام سمير
و كراسة الاول
سلاح التلميذ
سوق الخضار في السبتيه
مصنع كريمات ام وائل
كوافير ام ابراهيم للسيدات و قسم خاص للمحجبات
مزرعة دواجن ابو احمد لتسمين العجول
النادي الاهلي و الزمالك
اديداس و بوما و نيكي و لوتو و امبروو
اميجو كوتشي بينور
امريكانا الجودة
لانشون حلواني الإخوان
مجلس الشعب
سمنة الهانم

انا عارف ان مفيش حد هيكمله لااخر
هههههههههههه واتحداكم
يالا سلام
مستنى الردود

الرجوع الى أعلى الصفحة اذهب الى الأسفل
nour el hoda
مشرفة
مشرفة
avatar

انثى
عدد الرسائل : 2588
العمر : 30
تاريخ التسجيل : 28/03/2007

مُساهمةموضوع: رد: انا وهواك وحبك والبطيخ؟؟؟   الإثنين 18 فبراير - 20:48


نجووووووووووووووووووووم f m
موضوع جميل يا مصطفى
وبيحصل فيه كل اللى انت قلته ده

_________________
اذا سالت عن الحب.......فهو في قلب حبيبي
اذا سالت عن الوفاء.......فهو في طبع حبيبي
اذا سالت عن الصدق.....فهو في كلام حبيبي
واذا سالت عن الحنان.....فحنان الدنيا تجده في
نظرة من عين حبيبي
الرجوع الى أعلى الصفحة اذهب الى الأسفل
اميرة الحنين والاحساس
مراقب
مراقب
avatar

انثى
عدد الرسائل : 1908
العمر : 28
تاريخ التسجيل : 04/11/2007

مُساهمةموضوع: رد: انا وهواك وحبك والبطيخ؟؟؟   الإثنين 18 فبراير - 22:23


لا على فكرة كملته لالاخر عشان اعرف اخر الحلقة ايه

هههههههههههههههههههههههههههههه
هههههههههههههههههههههههههههههههه
هههههههههههههههههههههههههههههههههه
ههههههههههههههههههههههههههههههههههههههههه


بجد ضحكت اوى اوى اوى


مستنية باقى الحلقات

بدل مااسمعهااااااااا
هههههههههههههههه

اة انت مكبرتش الخط شوية ليه
هو ضحك وعمى كمان
هههههههههههههه
الرجوع الى أعلى الصفحة اذهب الى الأسفل
no one
مشرف
مشرف
avatar

ذكر
عدد الرسائل : 2741
العمر : 30
Localisation : west el balad
تاريخ التسجيل : 15/04/2007

مُساهمةموضوع: رد: انا وهواك وحبك والبطيخ؟؟؟   الثلاثاء 19 فبراير - 1:17


معلش يا تيفا

كبرت الخط عشان كنت هحول

المهم انت شكلك شغال في الاعلانات

خدت كام في الموضوع دا تيفا

بص قولي ومش هقول لحد بشرط اخد التلت وندي محمود التلت عشان يعمل مش واخد باله

ونسيبلك التلت

بس موضوع جامد

الرجوع الى أعلى الصفحة اذهب الى الأسفل
GLADIATOR
مراقب
مراقب
avatar

ذكر
عدد الرسائل : 633
العمر : 28
Localisation : EL MAADI .CAIRO
Emploi : FACULTY OF COMMERCE AND BUSINESS ADMINISTRATION
تاريخ التسجيل : 04/11/2007

مُساهمةموضوع: رد: انا وهواك وحبك والبطيخ؟؟؟   الثلاثاء 19 فبراير - 10:29

هههههههههههههههههههههههه
موضوع جامد اوى والله فطتستنى من الضحك
الرجوع الى أعلى الصفحة اذهب الى الأسفل
basbosa
مراقب
مراقب
avatar

انثى
عدد الرسائل : 1210
العمر : 29
تاريخ التسجيل : 28/03/2007

مُساهمةموضوع: رد: انا وهواك وحبك والبطيخ؟؟؟   الثلاثاء 19 فبراير - 11:43


هههههههههههههههههههههههههههههههههههه

تحفة
الرجوع الى أعلى الصفحة اذهب الى الأسفل
veto
مراقب
مراقب
avatar

ذكر
عدد الرسائل : 476
العمر : 29
تاريخ التسجيل : 07/10/2007

مُساهمةموضوع: رد: انا وهواك وحبك والبطيخ؟؟؟   الأربعاء 20 فبراير - 1:08

موضوع جامد جدا


وبحس فعلا ان كل البرنامج دة افتكاسات
الرجوع الى أعلى الصفحة اذهب الى الأسفل
amrbooki
مشرف
مشرف
avatar

ذكر
عدد الرسائل : 2513
العمر : 30
Emploi : helwan univ ( accounting
تاريخ التسجيل : 28/03/2007

مُساهمةموضوع: رد: انا وهواك وحبك والبطيخ؟؟؟   الأربعاء 20 فبراير - 3:33

يخربيتك .. كنت حموت من الضحك ...




بس مين السوبر ستار ؟؟؟
الرجوع الى أعلى الصفحة اذهب الى الأسفل
SUBziROOO
مشرف
مشرف
avatar

ذكر
عدد الرسائل : 636
العمر : 31
Localisation : giza
تاريخ التسجيل : 01/04/2007

مُساهمةموضوع: رد: انا وهواك وحبك والبطيخ؟؟؟   الأربعاء 20 فبراير - 14:04

انا بشكر اتصالتكم وردودك وايمالتكم
واستنونى دايما فى انا والبطيخ وهواك من 12 : 2
اعداد ام سماح
تقديم مصطفى منير
مع السلامو عليكو
الرجوع الى أعلى الصفحة اذهب الى الأسفل
sherine
مشرفة
مشرفة
avatar

انثى
عدد الرسائل : 737
العمر : 32
Localisation : cairo
تاريخ التسجيل : 28/03/2007

مُساهمةموضوع: رد: انا وهواك وحبك والبطيخ؟؟؟   الأربعاء 20 فبراير - 20:29

فطتستنى من الضحك

موضوع جامد اوووووووووووووووووووووووووووووى

_________________


في اللحظات السعيدة اتجة لله وسبحه
في الأوقات العصيبة توجه إلى الله
في اللحظات الهادئة الصامتة أعبد الله
في الأوقات الأليمة القاسية ثق برحمة الله
وفي كل وقت.. اشكر الله جزيلا واحمده كثير
الرجوع الى أعلى الصفحة اذهب الى الأسفل
honda
مشرف
مشرف
avatar

ذكر
عدد الرسائل : 2224
العمر : 30
Emploi : Basha
تاريخ التسجيل : 28/03/2007

مُساهمةموضوع: رد: انا وهواك وحبك والبطيخ؟؟؟   الخميس 21 فبراير - 0:13

ههههههههههههههههه
تيفا يا جامد
والله جامد جدا
صباح الضحك
الرجوع الى أعلى الصفحة اذهب الى الأسفل
OSMANOF
مشرف
مشرف
avatar

ذكر
عدد الرسائل : 922
العمر : 30
تاريخ التسجيل : 24/06/2007

مُساهمةموضوع: رد: انا وهواك وحبك والبطيخ؟؟؟   الخميس 21 فبراير - 0:34


ههههههههههههههههههههههههه

يا جااااااااااااااااااااااااااااااااااااااااامد

تيفا تيفا تيفا

ههههههههههههههههههههههههه

حبيب الملايين

مستنين الحلقات البقية

_________________

الرجوع الى أعلى الصفحة اذهب الى الأسفل
وميض النار
عضو ذهبي
عضو ذهبي
avatar

انثى
عدد الرسائل : 236
العمر : 27
Emploi : طالبة بكلية الصيدلة
تاريخ التسجيل : 02/08/2007

مُساهمةموضوع: رد: انا وهواك وحبك والبطيخ؟؟؟   الخميس 21 فبراير - 12:05

والله

والله
والله
ليا كتير مضحكتش من قلبى زى النهاردةبجد شكراا ليك جدا
عملت اللى ليا كتير نفسه اعمله ومكنتش عارفه
بجد شكراا ليك اوى يامصطفى منيرههههههههههههههه
هايل
الرجوع الى أعلى الصفحة اذهب الى الأسفل
SUBziROOO
مشرف
مشرف
avatar

ذكر
عدد الرسائل : 636
العمر : 31
Localisation : giza
تاريخ التسجيل : 01/04/2007

مُساهمةموضوع: رد: انا وهواك وحبك والبطيخ؟؟؟   الخميس 21 فبراير - 20:31

ياجماعة ياجماعة ....
لا شكر علي copy
ههههه.....
والف شكر علي الرودود
الرجوع الى أعلى الصفحة اذهب الى الأسفل
NewBaset
المدير العام
المدير العام
avatar

ذكر
عدد الرسائل : 758
العمر : 31
تاريخ التسجيل : 25/03/2007

مُساهمةموضوع: رد: انا وهواك وحبك والبطيخ؟؟؟   الجمعة 22 فبراير - 0:10

تصدق يمصطفى انا بكرة البرنامج ده اوي من اول حلقة سمعتة وانا استهيفتة وماشاء الله كل اللي بيكلموه بنات وديما يكلمة بوشوشة خايفين لابوهم يقفشهم وديما فاضحين نفسهم كدة على الهوى فين الحياء ياجماعة ...

_________________
الرجوع الى أعلى الصفحة اذهب الى الأسفل
http://www.newbaset.net.tc
nour el hoda
مشرفة
مشرفة
avatar

انثى
عدد الرسائل : 2588
العمر : 30
تاريخ التسجيل : 28/03/2007

مُساهمةموضوع: رد: انا وهواك وحبك والبطيخ؟؟؟   الجمعة 22 فبراير - 16:59

لا حياء مع اسامه منير

ههههههههههههههههههههههههههههههههههه

_________________
اذا سالت عن الحب.......فهو في قلب حبيبي
اذا سالت عن الوفاء.......فهو في طبع حبيبي
اذا سالت عن الصدق.....فهو في كلام حبيبي
واذا سالت عن الحنان.....فحنان الدنيا تجده في
نظرة من عين حبيبي
الرجوع الى أعلى الصفحة اذهب الى الأسفل
emy
مراقب
مراقب
avatar

انثى
عدد الرسائل : 1818
تاريخ التسجيل : 04/08/2007

مُساهمةموضوع: رد: انا وهواك وحبك والبطيخ؟؟؟   السبت 23 فبراير - 11:27

هههههههههههههههههههههههه
حلو
بس ممكن سؤال صغنطط
هو ليه قلت في الاخر؟؟؟؟؟؟؟؟؟؟؟؟؟؟
انا عارف ان مفيش حد هيكمله لااخر
هههههههههههه واتحداكم
يالا سلام
مستنى الردود
الرجوع الى أعلى الصفحة اذهب الى الأسفل
محمد ابو الحجاج
مشرف
مشرف
avatar

ذكر
عدد الرسائل : 90
العمر : 31
Emploi : لايهم العالم اذا كنت تضحك او تبكى فاضحك افضل
تاريخ التسجيل : 28/03/2007

مُساهمةموضوع: رد: انا وهواك وحبك والبطيخ؟؟؟   السبت 23 فبراير - 13:19

الحمد لله الراديو اللى عندنا مفهوش اف ام

_________________
الرجوع الى أعلى الصفحة اذهب الى الأسفل
ema
مراقب
مراقب
avatar

انثى
عدد الرسائل : 452
العمر : 30
تاريخ التسجيل : 11/09/2007

مُساهمةموضوع: رد: انا وهواك وحبك والبطيخ؟؟؟   السبت 23 فبراير - 14:21

ههههههههههههههه

موضوع جامد بس انا برضه بحب البرنامج
ومتابعها
الرجوع الى أعلى الصفحة اذهب الى الأسفل
 
انا وهواك وحبك والبطيخ؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلا بكم في عالمنا الخاص :: كلام من القلب :: كلام في الحب-
انتقل الى: