اهلا بكم في عالمنا الخاص

منتديات شباب نظم
 
دخولس .و .جالتسجيلبحـثالأعضاءالمجموعاتالرئيسية

شاطر | 
 

 حاجات تحرق الدم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sherine
مشرفة
مشرفة
avatar

انثى
عدد الرسائل : 737
العمر : 32
Localisation : cairo
تاريخ التسجيل : 28/03/2007

مُساهمةموضوع: حاجات تحرق الدم   الأربعاء 20 فبراير - 14:44

تخريفة 20 فبراير 2008
-------------------------
و انا في الشغل جت
بنت جديدة تشتغل معانا و عرفت انها مخطوبة فقولت ليها تعالي نضبط يوم نخرج
كلنا و نتعرف على خطيبك و هو يتعرف علينا راحت ابتسمت كده و قالت لا مش
هينفع علشان خطيبي ميعرفش انه بكلم اولاد ...قولت هو ميعرفش انك بتشتغلي
قالت لا يعرف بس ميعرفش اني بتكلم مع اولاد و لو عرف ممكن يقعدني في البيت
...ازاي و احنا في 2008 في كائن حي يأكل و يتنفس ممكن يتخيل ان خطيبته مش
بتكلم اولاد معاها في الشغل ....يعني هو ياما بيشتغل نفسه
يابيشتغلها...يابيشتغلنا كلنا...و في كل الاحوال هو بجد حاجة تحرق الدم

-------------------------
تخريفة 19 فبراير 2008
-------------------------
النهاردة
الجو كان تلج جدا و انا ماشي لاقيت زحمة كبيرة قوي و طوابير على فرن عيش
اكتشفت فيما بعد انه العيش المدعم و طبعا فيه كتير معانا بهوات و هوانم
ميعرفوش يعني ايه عيش مدعم ؟؟؟ ده عبارة عن شوية دقيق و ردة محطوطين في
الفرن و الحكومة بدعمهم بمسامير و حتت خشب و اقفاص و ده المقصود بالدعم..و
ده يمثل وجبة الغذاء الرئيسية ان لم تكن الوحيدة لنصف الشعب المصري اللي
تحت خط الفقر مع ان الوزير طلع قال من كام يوم ان اللي دخله في اليوم جنيه
ميعتبرش تحت خط الفقر ...ازااااااااااا ي بقى دي حاجة تحرق الدم

-------------------------
تخريفة 18 فبراير 2008
-------------------------
النهاردة
اكتشفت اني غلطان لما كنت بقول حاجة تحرق الدم لان كل التخاريف اللي فاتت
صحيح كانت تحرق الدم لكن في نفس الوقت كان ممكن تكون بتحرق الدم لناس و
ناس لا ...ممكن تكون ليها حل بس احنا مش عارفينه ...ممكن لما نطلع عليها
نكتة زي ما بنعمل نرتاح شوية ...لكن اللي حرق دمي النهاردة و اكتشفت انها
حرقت الدم الأصلية اللي مفيش اي حاجة من اللي فاتوا تساويها هو موضوع
اعادة نشر للصور المسيئة للرسول صلى الله عليه وسلم من 17 جريدة في
الدينمارك...ده مينفعش معاه اي حاجة من اللي فاتت علشان نتغلب علي و ده
بيأكد حاجة ان في مكانا و في الوقت الحالي مفيش قدمنا غير اننا نكرر
المقاطعة و نخليها أكبر ...الحوار معاهم اكبر غلط و اعتقد ان عمرو خالد
لازم يتأكد دلوقتي انه كان غلطان لما خالف كتير من الشيوخ وعلى رأسهم
الشيخ القرضاوي و سافر علشان يتحاور معاهم ...الحوار ده شروطه ان يكون فيه
طرفين متكافئين ومستعدين لسماع بعض لكن دول أحقر من الحيوانات لانهم
اسائوا لخير خلق الله و من غير اي مبرر او سبب منطقي و الحجة الواهية انهم
بيبرروا ده بحرية التعبير ..وحتى في كده غلط لان الحرية مكفولة طالما لم
تتعدى لحرية الاخرين و اسائتهم ديه هي لكل مسلمين العالم و ليست للرسول...
بجد اللي حصل ده فعلا هو اللي يحرق الدم

-------------------------
تخريفة 17 فبراير 2008
-------------------------
الف
مبروك لمصر فوزنا بكأس الأمم و ربنا يبارك للاعبيين ان شاء الله في
المكافات بتاعت الفوز لكن اكتر حاجة استفزتني ان كل وزاراتنا بقت بتشوف هي
بتعمل ايه و تضبط شغلها للاعيبه وخصوصا لما سمعت علي مصيلحي وزير الشئون
الاجتماعية لما قال انه تم اختيار امهات اللاعبين امهات مثاليات و انهم
هيسافروهم عمرة ...و بعد كده وزير التموين هيبعت 4 كيلو رز و ازازتين زيت
لاسرة كل لاعب و كل وزارة تشوف هي بتشتغل في ايه و تضبطهم...و شوفوا لو
التضامن الاجتماعي كانت طلعت 30 ام غلبانة امنية حياتها تعمل عمرة مش كان
اسم الوزارة ماشي مع الشغل اكتر؟؟؟؟ بجد حاجة تحرق الدم

------------------------
تخريفة 16 فبراير 2008
-------------------------
كنت
في مرة شغال في مكتب و معانا واحد زميل كان متجوز من 7 شهور و احنا واقفين
كلنا بندردش استأذن من المدير انه يمشي بدري علشان مراته عندها كشف علشان
حامل راح المدير ابتسم و سأله حامل ياااه انت لحقت...راح قلب وشه بشكل
غريب و قاله انا متجوز بقالي 7 شهور قصدك اييييه هو انا مش راجل...انا بقى
اللي نفسي افهمه ايييه علاقة كون الراجل راجل بأن مراته تحمل او لا ...لان
المفترض ان ديه نعمة من ربنا ممكن يرزق حد بيها او لا و مفيش اي علاقة بين
الرجولة و بينها...بجد حاجة تحرق الدم

-------------------------
تخريفة 15 فبراير 2008
-------------------------
رحت
في يوم أخلص كعب العمل بتاعي من مكتب العمل لاقيت طابووور طووووووووويل
وقفت فيه و بعدين اول ما الطابور يقرب و دخلت المكتب اللي فيه الموظفة
لاقيتها قاعدة على جهاز كمبيوتر واحد و باقي المكتب فيه ستات كل وظيفتهم
انهم يشوفوا الورق و يكتبوا على ورقة صغيرة ...يعني 6 بصمجية وواحدة هي
اللي بدخل الاسم و تطبع الكعب ...وكل شوية واحد ينط انا العميد بطيخ ابن
قرع تروح ممشاية ولما اتخنقت و شديت معاها قالت بكل برود مكتب المدير اللي
في وشنا اتفضل اشتكيني ..قولت في سري ما طبعا مش كل اللي في المكتب شغالين
بلية ليكي يبقى من حقك تتنططي ...بجد حاجة تحرق الدم

------------------------
تخريفة 14 فبراير 2008
-------------------------
كنت
بتكلم مع بنت صاحبتي و كانت بتوصف واحد انه متخلف و علقت على كلامه انه
فلاح ...و الحقيقة انا مش فاهم ايه علاقة ان واحد ريفي بيتكلم بلغة و
بيلبس جلابية بانه متخلف و لحد امتى هنفضل سطحيين و نحكم على فكر الناس
بالمظاهر ...يعني لو اتبرأ من عاداته و تقاليده و لغته يبقى ستايل لكن لو
حافظ على اخلاقه يبقى فلاح و متخلف .... بجد حاجة تحرق الدم

-------------------------
تخريفة 13 فبراير 2008
-------------------------
امبارح
قابلت واحد صاحبي زمالكاوي وهو من النوع الفاقد احساس بمكانه وزمانه من
اللي بيقوله الزمالك أحسن فريق في مصر فبيقولي انا مش هتكلم علشان مصر بس
فقولت نعم طيب ازاي قالي عماد متعب قولت عمل كل حاجة في الكورة و مكنش
ناقصه الا التوفيق و خلينا نفترض جدلا ان عماد وحش مع ان ده غلط لان عمرو
ذكي عمل كل حاجة غلط لان كان ممكن يوقف الكورة غلط تطول تدخل جول ينط اي
حاجة تخبط في دماغه و تدخل لكن عندنا ابوتريكة و الحضري و جمعة و فتحي و
شادي و غير كده لو قارنا على اي مستوى الاهلي بالزمالك مش هنلاقي اي تشابه
اصلا فمش عيب ان الواحد يبقى زمالكاوي بس اذا بوليتم فأستترو...وبجد حاجة
تحرق الدم

-------------------------
تخريفة 12 فبراير 2008
-------------------------
امبارح
كان المفروض احكيلكوا على موضوع الاثنين بتوع المكيف زي ما قولت بس كان
الكاس بقى و اخوكوا كان مزنوق و انتوا فاهمين المهم احنا فعلا شعب عاطفي
قوي و مهما حصل بنصر اننا نعيش الرومانسية يعني لو معانا فلوس ممكن نعمل
داي يوز ونعيش الرومانسية ...لو اقل شوية ممكن في مطعم نظيف من ابو فوتة
بيضة و شوكة و سكينة ...لو اقل شوية يبقى في سينما في وسط البلد ..لو اقل
بقى يبقى المكيف اخر اربع كراسي و الكنبه شمال او يمين و نعيش و اللي
شوفته بصراحة كنت مستغرب ايه الجرأة ديه لان كانوا واخدين راحتهم على
الاخر و بجد عايز اقدم اقتراح لهيئة النقل العام يحطوا ستارة قبل اخر
كراسي او يخلوا المكيف للكبار فقط..وبجد حاجة تحرق الدم

-------------------------
تخريفة 11 فبراير 2008
-------------------------
مبروك
لمصر و كل المصريين طبعا فوز غالي علينا كلنا و عايز اقولكم اني اتفرجت
على الماتش في كافيه في المنيل و ده يمثل ابعد نقطة عن بيتي في مدينة نصر
...طبعا كالعادة الكافيه رفع المنيمم تشارج و ضرب اسعاره في 3 و ده طبيعي
من ايام كاس الامم و بعد ما خلصت و قررت اروح بدأت رحلتي مع العذاب اللي
استمرت4 ساعات كاملة من المنيل لمدنية نصر الشوارع مش بتتحرك...الاجمل بقى
ان بعد ساعتين ابتدى مفعول اكل الكلاب اللي أكلته يظهر و الوقفة اللي في
الشوارع كان بيقابلها تسهيل داخلي و طبعا مفيش اي منفذ المهم اصعب اربع
ساعات مروا عليه في حياتي ...و فعلا صدق اللي سماه بيت الراحة...و اللي
بجد يحرق الدم النهاردة هو انا و توبة اني اتفرج على اي نهائي خارج بيتنا
-------------------------
تخريفة 10 فبراير 2008
-------------------------
مرة
كنت طالع اركب الاتوبيس المكيف من التحرير و كان في اوله و الاتوبيس
فاااااااااااضي مفيش غير بنت قاعدة لوحدها في اول كرسي و اتنين مضبطين
هحكيلكوا عليهم و ناس زيهم بكرة ان شاء الله و انا قاعد على كرسي لوحدي
...المهم طلع شاب من المسبسبين شعرهم و سأل هو ده بيروح عباس العقاد
فالبنت قالت اه ...فغالبا اعتبر اه ديه اعجاب بيه انه امووور و راح سايب
كل الكراسي و راح قعد جنبها على الكرسي راحت البنت استأذنته انها تعدي راح
معديها راحت قاعدة على الكرسي اللي وراه....بجد شاب بارد موت و بجد حاجة
تحرق الدم




اسمحلي يا بوكd استعير كلمتك

ملطوش

بس انا لقيتة علي الفيس بوك ومقدرتش ملطشهوش أن شاء الله هبقي الطشلوكم باقي المواقف

_________________


في اللحظات السعيدة اتجة لله وسبحه
في الأوقات العصيبة توجه إلى الله
في اللحظات الهادئة الصامتة أعبد الله
في الأوقات الأليمة القاسية ثق برحمة الله
وفي كل وقت.. اشكر الله جزيلا واحمده كثير


عدل سابقا من قبل dewberry في الأربعاء 20 فبراير - 14:51 عدل 1 مرات
الرجوع الى أعلى الصفحة اذهب الى الأسفل
حلالة آ‘لمشآ‘كل آ‘لعاطفية
عضو ذهبي
عضو ذهبي
avatar

انثى
عدد الرسائل : 212
العمر : 30
تاريخ التسجيل : 30/08/2007

مُساهمةموضوع: رد: حاجات تحرق الدم   الأربعاء 20 فبراير - 20:46

هههههههههههههههه

جامدة مووووووووووووووت

تسلم الايادى يا جميل

تقبل مشاركتى
الرجوع الى أعلى الصفحة اذهب الى الأسفل
http://www.n2n2.tk
SUBziROOO
مشرف
مشرف
avatar

ذكر
عدد الرسائل : 636
العمر : 31
Localisation : giza
تاريخ التسجيل : 01/04/2007

مُساهمةموضوع: رد: حاجات تحرق الدم   الأربعاء 20 فبراير - 22:16

ههههههههههه
لا فعلا حاجة تحرق الدم ....
الرجوع الى أعلى الصفحة اذهب الى الأسفل
وميض النار
عضو ذهبي
عضو ذهبي
avatar

انثى
عدد الرسائل : 236
العمر : 27
Emploi : طالبة بكلية الصيدلة
تاريخ التسجيل : 02/08/2007

مُساهمةموضوع: رد: حاجات تحرق الدم   الخميس 21 فبراير - 11:55

بجد والله موضوع جااااااااامد

فعلا دة كله بيحصل
واكتر موقف بتاع العيش المدعم دة
شكرا ليك
الرجوع الى أعلى الصفحة اذهب الى الأسفل
basbosa
مراقب
مراقب
avatar

انثى
عدد الرسائل : 1210
العمر : 29
تاريخ التسجيل : 28/03/2007

مُساهمةموضوع: رد: حاجات تحرق الدم   الخميس 21 فبراير - 12:23


لا تحرق الدم
الرجوع الى أعلى الصفحة اذهب الى الأسفل
no one
مشرف
مشرف
avatar

ذكر
عدد الرسائل : 2741
العمر : 31
Localisation : west el balad
تاريخ التسجيل : 15/04/2007

مُساهمةموضوع: رد: حاجات تحرق الدم   الخميس 21 فبراير - 14:14


طيب تصدقوا بالله

العيش المدعم عندنا احسن من التاني

وباكل منه و مش بلاقي في مسامير
اينعم في طابور مش بقف فيه عشان احنا بلد الكوسة بس والله عمري ما لقيت فيه مسامير وخشب و الكلام دا
الرجوع الى أعلى الصفحة اذهب الى الأسفل
اميرة الحنين والاحساس
مراقب
مراقب
avatar

انثى
عدد الرسائل : 1908
العمر : 28
تاريخ التسجيل : 04/11/2007

مُساهمةموضوع: رد: حاجات تحرق الدم   الخميس 21 فبراير - 20:14


طب ايه رايك يااحمد اى باكل

من المدعم دة

وطبعا العيش بيطلع البيت

عشان الفرن ادام البيت

ولو معمول على الوصية
يبقى عيش تمام اوى

بدون اى الشوائب


اما اذا بتوع التموين
اذا كان موجودين معليش

بتوع التموين

ويبقى فيه خشب

مش عارفة والله بيعملوا ايه فيه


موضوع حلو اوى اوى

ياشيررررين
الرجوع الى أعلى الصفحة اذهب الى الأسفل
no one
مشرف
مشرف
avatar

ذكر
عدد الرسائل : 2741
العمر : 31
Localisation : west el balad
تاريخ التسجيل : 15/04/2007

مُساهمةموضوع: رد: حاجات تحرق الدم   الخميس 21 فبراير - 21:10


لأ معلش انا بجيب من الي كل الناس بتاكل منه

مش متوصي عليه
الرجوع الى أعلى الصفحة اذهب الى الأسفل
اميرة الحنين والاحساس
مراقب
مراقب
avatar

انثى
عدد الرسائل : 1908
العمر : 28
تاريخ التسجيل : 04/11/2007

مُساهمةموضوع: رد: حاجات تحرق الدم   الخميس 21 فبراير - 21:21


ههههههههههههههههههههههههههههه
ماانا بردوا بناكل من
التانى

بس يبقى فيه حاجات

ربنا يسامحهم

ناقص يحطوا طوب
الرجوع الى أعلى الصفحة اذهب الى الأسفل
 
حاجات تحرق الدم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلا بكم في عالمنا الخاص :: كلام من القلب :: فضفضة-
انتقل الى: