اهلا بكم في عالمنا الخاص

منتديات شباب نظم
 
دخولس .و .جالتسجيلبحـثالأعضاءالمجموعاتالرئيسية

شاطر | 
 

 تعالي فضفض ..محدش هيسمعك..

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4, 5, 6, 7, 8, 9, 10  الصفحة التالية
كاتب الموضوعرسالة
emy
مراقب
مراقب
avatar

انثى
عدد الرسائل : 1818
تاريخ التسجيل : 04/08/2007

مُساهمةموضوع: تعالي فضفض ..محدش هيسمعك..   الإثنين 25 فبراير - 20:01

السلام عليكم
انا عاوزه الموضوع ده يتثبت
ونيجي هنا واللي حاسس انه عاوز يقول اي حاجه في اي حاجه يجي هنا
اي حاجه حصلت لك بشكل يومي ومحتاج تتكلم فيها مع نفسك اوحتي مع حد تيجي هنا
طبعا محدش هيرد عليك لو انت مش عاوز يعني بعد متكتب فضفضتك اكتب في الاخر
حد يرد عليا او متكتبش محدش هيرد
مش عاوزه استهزاء بكلام حد ولا تعليقات تحرج حد
تعرفوا ممكن تدخلوا تملو كل المشاركه بتاعتكو ضحك بس
ممكن كمان تدخلوا تكتبوا بالرموز علشان محدش يفهم الا انت
يعني علشان محدش يتكسف اننا كلنا نعرف بعض
يعني ادخلوا هنا وفضفضوا كل اللي جواه طاقه وعاوز يخرجها في اي حد
ادخل هنا
الرجوع الى أعلى الصفحة اذهب الى الأسفل
no one
مشرف
مشرف
avatar

ذكر
عدد الرسائل : 2741
العمر : 30
Localisation : west el balad
تاريخ التسجيل : 15/04/2007

مُساهمةموضوع: رد: تعالي فضفض ..محدش هيسمعك..   الثلاثاء 26 فبراير - 0:22


انا ثبت الموضوع

و الله هبدأ بنفسي

النهاردة كنت في الكلية وطبعا انا الكلية دي بالنسبة لي زيارات محدودة علي مدار السنة بعكس صحابي في الكلية الي كل يوم وراهم حاجات هناك

المهم قاعدين في اودة فيها حوالي 200 واحد و ال اكتشف ان في امتحان شفوي قدام الناس كده
وطبعا الناس كلها عارفه ماعادا العبد لله مسمعش عن الموضوع

وطبعا الدكتورة بتنقي مش كل الناس بتمتحن
و سبحان الله قاعد علي يميني و شمالي شباب زي الورد تقولولي اشمعني انا تخترني
مش عارف
قالتلي تعالي
قلتلها اجي فين
قالتلي هنا عشان تتسئل
و مش عارف ليه الموضوع قلب معايا ضحك مانا مش هعرف حاجة اكيد وحتي لو اعرف اكيد مستحيل هفتكر قدام العدد دا كله

المهم طلعت ووقف كده قدام الناس و الدكتورة باينها حست اني مش هعرف
فحبت تهون الموضوع وقالتلي تحب تتسئل في ايه؟
طبعا قولتلها الدرس الي فات الي هو كان يوم الاحد وانا فاكر ان امبارح السبت وطبعا انا يوم الاحد كنت مع حبايبي بوكي و هوندا بنلعب كورة الصبح (منه لله الي قالي تعالي)

المهم الست سألت فطبعا كان الرد هو انسان فاتح بؤه ومش عارف حاجة
ومش عارف ليه قلبت معايا ضحك
وكان ردي مش عارف
طبعا الست بلمت قلتلها يا دكتور معلش هو امبارح كان ايه
الست ضحكت وقالتلي الاحد
قولتلها اه معلش طيب اسالي في حاجات السبت
فسألت وكانت اجابتي المرة دي مختلفة
ومثيرة للضحك اكتر وهي مش فاكر
وبقيت انا اضحك و الدكتورة تضحك و العيال صحابي الاندال يضحكوا
قالتلي مش فاكر ازاي يعني دانتا الي مختار
طعا بجملة الضحك قولتلها جالا من لا يسهو يعني
والعدد وكده قالتلي طيب عني حل كويس
بعد ما الناس تمشي نعد سوا
والحمد لله ربنا نجدني و جالها دكتور في الاخر و ندهلها ومشيت و ربنا يستر الاتنين الجاي


اه ممكن تردوا
الرجوع الى أعلى الصفحة اذهب الى الأسفل
honda
مشرف
مشرف
avatar

ذكر
عدد الرسائل : 2224
العمر : 30
Emploi : Basha
تاريخ التسجيل : 28/03/2007

مُساهمةموضوع: رد: تعالي فضفض ..محدش هيسمعك..   الثلاثاء 26 فبراير - 1:16

ههههههه

والله ضحكتنى
كده تدعي عليا يا زيكو
وانا اللي كنت فاكرك نينجا
لكن طلعت ترتر هههه
مش انت وافقت انك تيجي تلعب معانا كووووره
طيب انا وعمرو تجاره وعارفين مصيرنا
انت طب المفروض تحضر طبعا وتدح وكده
لكن انت قلتلنا واحنا بنلعب
"انا باضحي بالعلم فى سبيل هدف أسمى -لعب الكورة في النادى-"
حتى اسألوا بوكى
ربنا يستر يوم الاتنين الجاي وشد حيلك يا فضيحة أفندى Smile
الرجوع الى أعلى الصفحة اذهب الى الأسفل
no one
مشرف
مشرف
avatar

ذكر
عدد الرسائل : 2741
العمر : 30
Localisation : west el balad
تاريخ التسجيل : 15/04/2007

مُساهمةموضوع: رد: تعالي فضفض ..محدش هيسمعك..   الثلاثاء 26 فبراير - 1:31

انا
مش عارف ايه الي طلعها في دماغي انزل النهاردة اصلا مع اني مكسر

دا النصيب بقي
الرجوع الى أعلى الصفحة اذهب الى الأسفل
amrbooki
مشرف
مشرف
avatar

ذكر
عدد الرسائل : 2513
العمر : 30
Emploi : helwan univ ( accounting
تاريخ التسجيل : 28/03/2007

مُساهمةموضوع: رد: تعالي فضفض ..محدش هيسمعك..   الثلاثاء 26 فبراير - 3:04

بمناسبة يوم الكورة ..

انا غالبا لما بلعب كورة .. او لما اعمل اي حاجة في الحياة فيها مجهود ..
مبعرفش اقعد اريح ..
لازم يبقى المجهود كله مرة واحده ..

وبالتالي ..
مجهودي كله طلع من الساعة 9 الى الساعة 1 ونص ..
يتهيالي كلهم ريحوا ..
بس انا مريحتش .. لاني مبعرفش ..
وكل مايريحوا .. الم العيال الصغيرة والعب معاهم ..
لغاية ما يريحوا ..

المهم .. احنا اقعدنا نلعب 4 ساعات متواصلة بالنسبة لي ..
وبعدين غيرنا وروحنا ..
في التحرير .. ملقتش اي مواصله .. غير الاوتوبيس
كل المواصلات بتاعتي اختفت .. وبقي الاوتوبيس ..
وركبت ..
ولقيت كرسي فاضي ..
وقعدت ..
وحطيت السماعات في ودني ..
وشغلت الراديو ..
وجبت اذاعة البرنامج الموسيقي .. وانا حاسس ان كل عضلة بترقص مع المزيكا ..
بوم تيك تام تي .. تررم
الموسيقى كلاسيك ..
وناعمة جدا ..
وانا تعبان جدا..
والجو جميل جدا ..
والكاب مغطي عينيا ..
وركبي على الكرسي اللي قدامي ..
وريلااااااااااااكس تماما ..
بوم تيك تام تي .. تيرارارا

وبعدين بعد 10 دقايق من تحرك الاوتوبيس ..
واحده شالت الكاب من على راسي بكل رزاله ..
وبصت لي قوي بكل بجاحة ..
وقالتلي قوووووم
قعد الراجل ده .. راجل عجوووووز
اللي هو ابوها ..
وبصرف النظر عن اني انا مش الوحيد الشاب الموجود ..
وبصرف النظر عن اني تعبان جدا جدا جدا جدا ..
قمت اوتوماتيك كأني منوم مغناطيسيا ..
قلتله اتفضل يا عمو ..

وفجأه ..
الجو غيم
والهوا زاد
والمزيكا بقت ميتال او روك .. مش فاكر
والطريق ازدحم
والدنيا وقفت
هي ناقصة .. والله تعبااااااااااااااااان
وفي نفس ذات اللحظة ..
حسيت بتناقضات غريبة جدا جوايا
حسيت اني بصرخ
انا ليه قمت
انا ليه سمعت كلامها ؟؟
ليه ما زعقتلهاش يا عمرو وقلتلها انا نااااايم ؟؟
لا .. ليه يا عمرو بتقول كده ..انت كده بتضيع ثوابك ..
بس انا مش الوحيد اللي ممكن تقومه
ليه اختارتني انا بالذات
يمكن ياعمرو ربنا بيعمل كده علشان يمكن تقع في نفس الموقع ده لما تكبر في السن
بس انا تعبان
طيب ليه ما اعتذرتلهاش بشياكة ؟
ليه ما قلتلهاش سوري انا تعبان
لا ياعمرو .. انت دي فطرتك
انت متعود على كده
ومتربي على كده
بس انا تعبااااان
والسكة واقفة
وانا حقف اكتر
بوم بوم تران ترام طام طراك

ليه يا ماما ربيتيني ؟؟
ليه انا متربي ؟؟
ليه بعرف الاصول ؟؟
انا مش محتاج التربية دلوقتي
انا محتاج كرسي
انا محتاج اقعد
انا تعبان

طلعت من جيبي مصاصة
وقررت افش غلّي فيها
واسمع ماتش الاسماعيلي
في الراديو بعد ما اغير المحطة ..
او اسمع فيروز على الموبايل ..
الله
بحب اوي اغنية شادي ..
بحب اول الاغنية جدا
بسرح واتخيل اول ما تبدأ تقول

وفي يوم من الايام .. ولعت الدني
ناس ضد ناس علقوا بها الدني
وصار القتال .. يقرب على التلال
وينك رايح يا شادي
اندهلوا وما يسمعني

وقررت اشغل الاغنية ..
واسرح معاها يمكن اخرج من اللي بيتخانقوا جوايا ..
وقبل ما تبدأ تقول الكوبليه اللي بحبه ..
لقيت واحد محترم واقف جنبي بيبصلي ويضحك ..

شلت السماعة من راسي
في حاجة سيادتك ..
لا
اومال بتضحك ليه ؟؟
مفيش
لا في
انت كررت الحركة دي كل مرة تبصلي فيها ..
ياعم مفيش
وربنا في
اصل يتهيالي انك كبرت على المصاصة ..

ولان ماما افرطت في تربيتي
بشكل زائد عن اللزوم
معرفتش اقوله .. وانت مال اهلك ..

بس ربنا اكرمني وشفت سنانه ..

سيادتك بتشرب سجاير ؟؟
قالي اه
قلتله
يتهيالي حضرتك تعرف انك
بتحرق صحتك اللي ربنا اداهالك
وبتحرق فلوسك اللي ربنا اداهالك
وبتحرم اسرتك منك اللي ربنا اداهالك
وبتضيع عمرك اللي ربنا اداهولك
وبتطلع ريحة معفنه من بق ربنا مديهولك
يبقى حضرتك مجرد سفيه ملهوش عقل
وانا لو رديت على سيادتك يبقى انا كمان سفيه

تاخد مصاصة ؟؟؟

وانتهت الاغنية بتاعت فيروز من غير ما اسمعها
وانتهى الموقف بان الناس بعدته عني قبل ما يعوّرني
ورجعت الخناقة جوايا على سبب جديد


ليه يا ماما ربيتيني ؟؟؟؟

الرجوع الى أعلى الصفحة اذهب الى الأسفل
no one
مشرف
مشرف
avatar

ذكر
عدد الرسائل : 2741
العمر : 30
Localisation : west el balad
تاريخ التسجيل : 15/04/2007

مُساهمةموضوع: رد: تعالي فضفض ..محدش هيسمعك..   الثلاثاء 26 فبراير - 3:15

ه
هههههههههههههههههههههههههههههه

مش قلتلك تعالي هناكل عند عمو حسني و هنوصلك قريب انتا الي مردتش
عشان تبقي تسمع الكلام
الرجوع الى أعلى الصفحة اذهب الى الأسفل
sherine
مشرفة
مشرفة
avatar

انثى
عدد الرسائل : 737
العمر : 32
Localisation : cairo
تاريخ التسجيل : 28/03/2007

مُساهمةموضوع: رد: تعالي فضفض ..محدش هيسمعك..   الثلاثاء 26 فبراير - 4:03

هههههههههههههههههههههههههههههههههههههههههههه

بجد بجد علي قد ما المواقف قوية علي اد ما انا هفطس من الضحك

_________________


في اللحظات السعيدة اتجة لله وسبحه
في الأوقات العصيبة توجه إلى الله
في اللحظات الهادئة الصامتة أعبد الله
في الأوقات الأليمة القاسية ثق برحمة الله
وفي كل وقت.. اشكر الله جزيلا واحمده كثير
الرجوع الى أعلى الصفحة اذهب الى الأسفل
اميرة الحنين والاحساس
مراقب
مراقب
avatar

انثى
عدد الرسائل : 1908
العمر : 28
تاريخ التسجيل : 04/11/2007

مُساهمةموضوع: رد: تعالي فضفض ..محدش هيسمعك..   الثلاثاء 26 فبراير - 12:09


بجد انت يااحمد غلطان
فى حاجة عارف ان وراك حاجة روحها وبعد كدة
تروح تلعب كوررة

اما انت ياعمرو
بجد جدع على الى عملته معها
بس بدل ماتهزوا
وتقوله انت مال اهلك
هزئتة بشياكة جامدة جدااااااااااااااااا

انا بقى حصل ليا موقف غريب فى يوم كننت رجعة من الجامعة
وارفانة وزهقانة جدا
لان تعبت فى الجامعة وطبعا رجعة متاخرة
والى زود بقى المترو جة بسلمته وقف على الرصيف التانى من المطرية وقال
انه راجع لتجاة حلوان تانى
وطبعا عدتت انا وزميلتى الكوبرى ووقفنا طبعا المحطة كلها زحمة جدا
اول مترو جة معرفناش نركب
والمترو الى بعدة عمل كدة رجع على حلوان تانى
وطبعا كان فى مترو قبل المترو الى جاية فيه كان عامل نفس الحركة
ودلوقتى بقت الناس الى وقفه على الرصيف
بتوع 2مترو
والراجل بتاع المحطة
كل شوية عامل يقول
(رجاء السايدة الركاب الانتشار فى المحطة)
فانا فكرت انا وصحبتى نخرج واتصل ببابا هقوله اركب ايه واروح وهى كمان كانت هتعمل كدة
قولنا لو معرفناش
ندخل فى المترو الى جاى
والباب وقف ادامنا
البت دخلت وانا دخلت
وبقيت مش عارفة اعمل ايه
والراجل الى ورايا كان محترم كل شوية عامل يقول ياجماعة قدامى بنت قدامى بنت
قالى تعالى على جنب هنا وقفى لما لانى الناس مش رحمنى واحد ربنا يخده
واقف ادامى مخلينى مش عارفة اقف
وجيت زى ما الراجل قالى اقف على جنب
لقيت ولد واقف
لانى اتخضيض وبصيت ليه بكل دهشة وبصيتله من فوقة لتحته
لانى مكنش ينفع اقف خاااااااااااااص
فالولد تطلع مؤدب ومحترم وقالى انتى نزلة الى جاية
قولتله لا طب تعالى مكانى وادخلى اقفى
قولتله طب ازى
قالى ادخل بدهر وانا هخرج بدهر
وطبعا عملت كدة وصحبتى كانت عين شمس
ووقفت حسيت وقتهااا
بانى مخنوقة جداجداجدا
ونفسى ابكى اوى
وفعلا عنيى دمعت مالى شوفته
وازاى فى ناس كدة
وطبعا الظريف الى كان ادامى
فضل يبصلى وانا ابصله بارف لحد ما نزل
وروحت متكلموش خالص على التاخير
ولا اى حاجة
وحكيت على الى حصل وبكيت بكاء فظيع
وبابا ضحك وقالى عشان اول مرة يحصل معاكى الموقف دة
وتانى مرة تخلى بالك وقولى بصوت عالى انت فى ايه وزعاى
وانتى الى معاكى الحق
وقالى مركبتش ليه سيدات
قولتلة مكنتش هركب خالص لو كنت وقفت هناك لانها كان زحمة اوى
وقالى خلاص ياميرو لازم الانسان يتعلم واديكى اتعلمتى
وطبعا التعب الى تعبنى فى الجامعة خلانى مش قدرة خلاص مع البكاء
كنت بموت وبعدها اتعلمت

لو حد عاوز يرد يرد
الرجوع الى أعلى الصفحة اذهب الى الأسفل
emy
مراقب
مراقب
avatar

انثى
عدد الرسائل : 1818
تاريخ التسجيل : 04/08/2007

مُساهمةموضوع: رد: تعالي فضفض ..محدش هيسمعك..   الثلاثاء 26 فبراير - 19:15

معلش بس يوم مستفز وعاوز اقول علي نقطتين كده
المحاضره الاولي : الدكتوره دخلت شعرها اصفر (صبغه) ولبسها جميل كده يدل علي انها دكتوره قدوه (طبعا بتريأ)
اول مدخلت وشرحت شويه لاقتها بتصوت خير يا حجه قالت بطلو بقي كفاياكوا كده
انتو خلاص بقيتو كتبه وبس لازم تفهمو معايا الاول كل حاجه موجوده في الكتاب
اتعلمو بقي (نتعلم ايه وامتي ماعلينا)طبعا مش عاوزه اقولكوا انا كنت بعمل ايه ؟
كنت بسمع اخر الاخبار تجدو عندهم مالا عين رأت ولا اذن سمعت ولدين ورايا رغايين
المحاضره التانيه : دكتوره والله بجد محترمه جدا دخلت انا هعلمكم بقي من اول وجديد
وهتتعلموا يعني هتتعلموا ولما اشوف ماشي يا حجه عطتنا هوم ورك علشان نتعود علي الكتابه ونتتعلم الكتابه والله مبهرج وخدت الغياب لدفعه عددها الف والمصيبه السودا بتسأل في المحاضره وقالت جمله في اول المحاضره فطست من الضحك للاخر قالت ان لازم اسأل علشان اعودكوا علي الشجاعه علشان البنت لما تقف متتكسفش وتعيط لانها بنت والبنات خجوله
هههههههههههههه والله دكتوره علي نيتها

المحاضره الثالثه : لا طبعا مقدرش اقول كلمه ده العظيم عادل المهدي الراجل ده ذكي بشكل
مش عارفه والله جميل

في الاخر بقي مش بذمتكوا الناس دي مخها فاضي بيعلموا ايه وبيصلحو ايه
الرجوع الى أعلى الصفحة اذهب الى الأسفل
amrbooki
مشرف
مشرف
avatar

ذكر
عدد الرسائل : 2513
العمر : 30
Emploi : helwan univ ( accounting
تاريخ التسجيل : 28/03/2007

مُساهمةموضوع: رد: تعالي فضفض ..محدش هيسمعك..   الأربعاء 27 فبراير - 5:46

بصرف النظر عن كل اللي قلتيه ..

انا السؤال اللي عمال يهرشني في دماغي دلوقتي
هو ..
انتي حضرتي الـ 3 محاضرات ؟؟!

لا حول ولا قوة الا بالله ..

ربنا يديكي الصحة ..


انا كان زماني قايل لرمضان بتاع المدرج على كوباية شاي ..
وبعدها
احجز سويت ملكي لنفسي في المدرج .. والكاب على وشي .. واكل رز مع الملايكة ..
وكل ده في المحاضرة الاولى ..


ربنا يديكي الصحة ..
الرجوع الى أعلى الصفحة اذهب الى الأسفل
amrbooki
مشرف
مشرف
avatar

ذكر
عدد الرسائل : 2513
العمر : 30
Emploi : helwan univ ( accounting
تاريخ التسجيل : 28/03/2007

مُساهمةموضوع: رد: تعالي فضفض ..محدش هيسمعك..   الأربعاء 27 فبراير - 5:48

اه نسيت اميرة ..



اميرة ..
المواقف دي اخترعولها اختراع مصري عظيم .. ذو قدرة كبيرة على خلق فراغ كبير
يسمى الدبوس ..
الرجوع الى أعلى الصفحة اذهب الى الأسفل
emy
مراقب
مراقب
avatar

انثى
عدد الرسائل : 1818
تاريخ التسجيل : 04/08/2007

مُساهمةموضوع: رد: تعالي فضفض ..محدش هيسمعك..   الأربعاء 27 فبراير - 9:00

ههههههههههههههههههههههههه
ايون العين المدوره دي اللي انا خايفه منها
انا نازله بالعفيه وكل شويه ماما تتصل بيا يا ماما هرجع
تقولي اوعي مش عارفه ايه الامهات اللي مش بتريح بنتها يالا
وكمان ياريت كنا عند عم رمضان ده صاحبي كويس اوي
بس احنا في المدرج اللي تبقي داخل فيه زي الفل كده
تطلع منه عندك كساح وانزلاق غضروفي وكل الامراض (4)
يالا الحمد لله علي قد كده
معلش يا اميره والله يا حبيبتي هتشوفي في الموصلات كتيييييييييييييييييييييير
وهتعلمك كتيييييييييييييير بس نصيحه قبل متركبي في اي مكان لو حاسه انه المكان مش هتستريحي فيه بلاش بالذات لو كان مختلط وجنبك ولد او راجل والاحسن بما انك بتركبي مترو اركبي سيدات واخلي اهو استحملو بعضكو وخلاص
اما انا بركب ميكروباص فلو كان هيبقي مكاني جنب راجل وبيحشرو اربعات والله مبركب
حتي لو هقف في الشارع للصبح اهون عليا اما لو تلاتات ببقي فيه اي حاجه بيني وبينه شنطه
كتب اي حاجه وربنا معاكي
اللهم لا تسلط علينا من لا يرحمنا
الرجوع الى أعلى الصفحة اذهب الى الأسفل
اميرة الحنين والاحساس
مراقب
مراقب
avatar

انثى
عدد الرسائل : 1908
العمر : 28
تاريخ التسجيل : 04/11/2007

مُساهمةموضوع: رد: تعالي فضفض ..محدش هيسمعك..   الخميس 28 فبراير - 1:48


هههههههههههههههههههههههههههههه

على ياعمرو ما بعد ما بابا ضحك
قالى كدة قالى ياحبيتى فى دبوس
فى التحجيبة شيلة وغزى بية بس
حسبى تغزى حد ملوش ذنب
وعلى فكرة ياايمان انا لو هعرف ادخل سيات كنت دخلت بس كانت ماتتشفش
من الناس
وكمان الوسيلتى الوحدة للجامعة المترو
ولما حصل نفس الموقف فى الترام بس دة كان تحرش عينى عينك
انا نزلت منه وهو ماشى كان لسة داخل المحطة

وطبعا وقعت على وشى بس دة اهون ليا بكتيررررررررررر
من ان يحصل ليا حاجة ومن سعتها وانا خلاص
كنت بموت ويومها كان بجد افزع من المترو

اة وعلى فكرة بتاع المترو الى كان ادامى
الانسان الحقير دة
الشنطة والكشكول والكتاب كان فى ايه اكتر من كدة

بس بجد حاجة تفقع المرارى وتجيب الضغط
منهم لله
الرجوع الى أعلى الصفحة اذهب الى الأسفل
emy
مراقب
مراقب
avatar

انثى
عدد الرسائل : 1818
تاريخ التسجيل : 04/08/2007

مُساهمةموضوع: رد: تعالي فضفض ..محدش هيسمعك..   السبت 1 مارس - 8:22

كلمتين وجعيني
ساعات يكون للانسان اصدقاء كتيييييييييييير...... بس ياتري مين صديقه
ساعات يتكلم الانسان كلام كتيييييييييييييير............بس ياتري ايه الكلمه اللي بتعبر عن اللي جواه
الرجوع الى أعلى الصفحة اذهب الى الأسفل
sherine
مشرفة
مشرفة
avatar

انثى
عدد الرسائل : 737
العمر : 32
Localisation : cairo
تاريخ التسجيل : 28/03/2007

مُساهمةموضوع: رد: تعالي فضفض ..محدش هيسمعك..   السبت 1 مارس - 21:48

عارفة يا ايمي بجد اتكلمي مع الله ربنا سبحانه وتعالي بجد بجد هتحسي براحة جميييييييييييييييييلة ملهاش حدود

كنت دايما بقعد مع صحابي وحاسة انهم صحابي بس كنت بحس انهم بيسمعوني من غير ما يحسوا بيا بس لما قربت لله وبتكلم معاه برتاح جدددددددددددددداااااااااااااااا ولما دموعك هتنزل مش هتبقي مكسوفة ابدااااااااااااااااااااااااااااااااا


_________________


في اللحظات السعيدة اتجة لله وسبحه
في الأوقات العصيبة توجه إلى الله
في اللحظات الهادئة الصامتة أعبد الله
في الأوقات الأليمة القاسية ثق برحمة الله
وفي كل وقت.. اشكر الله جزيلا واحمده كثير
الرجوع الى أعلى الصفحة اذهب الى الأسفل
اميرة الحنين والاحساس
مراقب
مراقب
avatar

انثى
عدد الرسائل : 1908
العمر : 28
تاريخ التسجيل : 04/11/2007

مُساهمةموضوع: رد: تعالي فضفض ..محدش هيسمعك..   الإثنين 3 مارس - 22:44


اة والله ياشيرين عندك حق جداجداجدا
انا جربت دة كتير
واخرهم انهاردة الصبح

ولما دموعى نزلت منى متكسفتش بالعكس فرحت اوى اوى

وكمان هو الوحيد الى وضع فيكى دة
واكيد هيبقى وحش

وهو الوحيد بردوا

الى هيقدر يشيلوا ويحس بيكىىى

اوىاوىا و ى


ودة عن تجربة واكيد مش هتخسرى ابدا بالعكس الحل هيوصل ليكى لافى نفس الوقت

لا بعده بشوية بس اكيد ربنا مش بيسيب حد ابداااااااا
الرجوع الى أعلى الصفحة اذهب الى الأسفل
amrbooki
مشرف
مشرف
avatar

ذكر
عدد الرسائل : 2513
العمر : 30
Emploi : helwan univ ( accounting
تاريخ التسجيل : 28/03/2007

مُساهمةموضوع: رد: تعالي فضفض ..محدش هيسمعك..   الثلاثاء 4 مارس - 2:35


النهاردة بعد نقاش طويل جدا ..

مبقتش عارف الدنيا كويسة وانا متشائم
ولا
الدنيا مش كويسة وانا برده متشائم
ولا
انا متشائم وخلاص ..


بس انا مش متشائم..
لا
انا بكره التشاؤم
لا
انا بيجيلي تشاؤم من التشاؤم


بس ازاي اتفائل ..
لا
ازاي اضحك على نفسي واتفائل
لا
هو في شئ يدعو للتفاؤل


بجد ..
لا
بجد بجد
انا بدأت اهبط
لا
انا بدات اخس
لا
انا بدات احس باحساس مش كويس


طيب ممكن الاحساس ده يأثر عليا
لا
قصدي ممكن الاحساس ده يتملكني
لا
ينفع احارب الاحساس ده
لا
عندي الشجاعه اساسا اني احاربه


طيب اخرتها ايه
لا
يعني هي ليها حل
لا
قصدي يعني اني ممكن الاقي حل






الخلاصة
انا مش قادر افهم نفسي
الرجوع الى أعلى الصفحة اذهب الى الأسفل
no one
مشرف
مشرف
avatar

ذكر
عدد الرسائل : 2741
العمر : 30
Localisation : west el balad
تاريخ التسجيل : 15/04/2007

مُساهمةموضوع: رد: تعالي فضفض ..محدش هيسمعك..   الثلاثاء 4 مارس - 2:42


زي ما قلتلك الصبح

بص للجانب المشرق

دور علي البصيص
و لو حتي علي رأيك طلع بلف الكورة السودة

مش مهم عيش علي الامل حتي لو مش موجود
انت اخلقه

بس منكرش انك النهاردة اقنعتني ان الجواز مشروع اجتماعي فاشل بنسبة 100% اليومين دول
الرجوع الى أعلى الصفحة اذهب الى الأسفل
amrbooki
مشرف
مشرف
avatar

ذكر
عدد الرسائل : 2513
العمر : 30
Emploi : helwan univ ( accounting
تاريخ التسجيل : 28/03/2007

مُساهمةموضوع: رد: تعالي فضفض ..محدش هيسمعك..   الثلاثاء 4 مارس - 3:22


جانب مشرق ؟؟؟

منين .. من اليمين لا الشمال
لا
من فوق ولامن تحت
لا
يعني ايه مشرق اساسا


جايز يكون تفكيري ده اوفر
لا
جايز يكون تفكيري واقعي
لا
جايز اكون ما بفكرش اساسا


انا حتجنن
لا
انا ممكن اكون مجنون
لا
جايز اكون عاقل واللي حوليا كلهم مجانين


بس بجد ده احساس مش كويس
لا
ده احساس فظيع
لا
ده احساس مؤلم
لا
ممكن اكون فقدت الاحساس
وده الاحساس بتاع فقدان الاحساس


طيب المشكلة فين
يا ترى المشكلة اني بفكر كتير
ولا
المشكلة اني قلوق اوي
ولا
المشكلة اني بدور على مشكلة
ولا
المشكلة اني مش بعرف انسى
ولا
المشكلة اني مش قادر اتأقلم زي كل الناس وابقى مجرد ترس في طاحونة
اتولد ترس
وبينام ترس
ويصحى يلاقي نفسه برده ترس
جوه نفس الطاحونة
ولا
مفيش اساسا مشكلة .. ودي مجرد لعبة وليها اخر

طيب لو كان ليها اخر
هل اللعبة دي انا اللي متحكم فيها
ولا
هي اللي متحكمة فيا؟
هل
اللعبة دي مثيرة
ولا
اللعبة دي كبيرة


الخلاصة
انا عندي صداع من كتر التفكير
ونفسي انام 18 سنه للخلف

واقوم ابدأ من الاول
الرجوع الى أعلى الصفحة اذهب الى الأسفل
no one
مشرف
مشرف
avatar

ذكر
عدد الرسائل : 2741
العمر : 30
Localisation : west el balad
تاريخ التسجيل : 15/04/2007

مُساهمةموضوع: رد: تعالي فضفض ..محدش هيسمعك..   الثلاثاء 4 مارس - 4:24


عمرو
ابشر

يا حبيبي


انت كده اتجننت رسمي

يا ابني طريقة التفكير دي مضرة بالصحة
الرجوع الى أعلى الصفحة اذهب الى الأسفل
emy
مراقب
مراقب
avatar

انثى
عدد الرسائل : 1818
تاريخ التسجيل : 04/08/2007

مُساهمةموضوع: رد: تعالي فضفض ..محدش هيسمعك..   الثلاثاء 4 مارس - 7:53

شكرا يا شرين وده والله اللي بعمله فعلا وبيريحني اوي
بس رساله ربنا ليا المره دي مش قادره افهمها
مش عارفه ليه اول مره بس بحاول ويارب اخلف ظني
******************
حاجه غريبه اووووووووي
لا اللي عايش في سلام مرتاح .........ولا اللي عايش في حرب مرتاح
لا اللي بيدرس مرتاح.................ولا اللي مش بيدرس مرتاح
لا اللي عنده كل حاجه مرتاح........ولا اللي مش عنده اي حاجه مرتاح
لا البنت مرتاحه ..................ولا الولد مرتاح
لا المشغول طول اليوم مرتاح......ولا اللي فاضي مرتاح
لا الفقير مرتاح...................ولا الغني مرتاح
لا اللي متجوز مرتاح.............ولا اللي مش متجوز مرتاح
لا الطفل مرتاح.......ولا الشاب مرتاح......ولا الكبير مرتاح
لااللي عنده عيال مرتاح..........ولا اللي معندوش مرتاح
وعلي رأي نجاه الصغيره لا العاشق مرتاح ....ولا الخالي مرتاح
طيب وبعدين
كنت زمان وانا صغيره افكر لو مش كنت انسان كنت عاوزه اكون ايه؟؟
كنت اقول عاوزه اكون عصفوره وكنت افكر تاني ياتري العصافير مرتاحين
ولا عندهم زي عندنا ولا احنا ظلمنهم انهم عايشين سعداء؟؟؟؟!!!!!!!
الحمد لله في السراء والضراء
****************************
بسذاجتي المعتاده
ظلمت حد بحكمي عليه
من اول مسمعت عنوان الموضوع من غير مسأل وحقق
هو اصلا الموضوع مش يخصني انا مالي
بس يمكن فكرني وربطه بحاجه شخصيه
انا بعتذر

الشخص ده موجود هنا
الرجوع الى أعلى الصفحة اذهب الى الأسفل
اميرة الحنين والاحساس
مراقب
مراقب
avatar

انثى
عدد الرسائل : 1908
العمر : 28
تاريخ التسجيل : 04/11/2007

مُساهمةموضوع: رد: تعالي فضفض ..محدش هيسمعك..   الثلاثاء 4 مارس - 10:42


انا بقى انهاردة
قومت الصبح
حاسة بملل
وخناقة ودة كالعادة

حاسة ان حياتى ملل فظيع

وبطلت كل حاجة كنت بعملها

بطلت اروح التمرين

وبطلت اخرج ازور جدتتى


وبطلت اعد على النت لولا الجهاز كان عطلان
ولسة متصلح امبارح
كنت بعد على النت مخنوقة
ممكن اكون فاتحة الميل والسايت
وساكتة ولا بتكلم مع اى حد
ولا حتى برد على المواضيع
وبطلت حاجات كتير كنت بعملها حلوة...............
مش عارفة

حتى الجامعة كرهتها
وبروح يومين
بس احضر محاضرتين فى اليومين

وكرهت المشوار لجامعة

انا بقيت حاسة مش عاوزة اعمل حاجة خلاص

وبقيت حاسة انى فى حالة اكتئاب

الحاجة الوحيد الى مش بعد عنها
هى صلتى بربنا

بس بردوا مش زى الاول

انا مش عارفة اعمل ايه

هو لما حد عزيز عليك
اوى
يسيبك ويبعد عنك

ممكن يغير مجرى الحياة ممكن يخليك
مش عاوز تعمل اى شىء
غير انك ممكن تفكر وتفضل تفكر بس

انا قلبى تعب بازمات بسيطة بسبب التفكير فى حياتى كلهاا

ورحت لدكتور واعد معايا يقولى قولى انت مضيقة من حاجة
اقوله لا
ويقولى انتى فى عندك امتحانات قريب
قولتله لا

قولتله فى
نتيجة قريبة

قالى بس ياستى هى دى سبب القلق الى عندك

قولتله ماشى

وخرجت من عنده
وانا بقيت عارفة
ومتاكدة اكتر ان الى عندة بسبب التفكير فى كل حاجة فى حياتى

فى اوقات نفسى اصرخ اوىىىى

واوقات بيقى نفسى ابكىى

ودى بعملها
واعد اتكلم مع ربنا
بس مش عارفو اخرت الى انا فيه
دة ايه

نفسى اعرف
ياريت لو حد عندة راى يقولى
الرجوع الى أعلى الصفحة اذهب الى الأسفل
no one
مشرف
مشرف
avatar

ذكر
عدد الرسائل : 2741
العمر : 30
Localisation : west el balad
تاريخ التسجيل : 15/04/2007

مُساهمةموضوع: رد: تعالي فضفض ..محدش هيسمعك..   الثلاثاء 4 مارس - 23:54


اه و اضح ان في حاجة في الجو
نواحي مصر الجديدة و مدينة نصر بتجيب اكتئاب للناس

واحد تالت يشتكي من المنطقة دي و هبلغ السلطات
الرجوع الى أعلى الصفحة اذهب الى الأسفل
emy
مراقب
مراقب
avatar

انثى
عدد الرسائل : 1818
تاريخ التسجيل : 04/08/2007

مُساهمةموضوع: رد: تعالي فضفض ..محدش هيسمعك..   الأربعاء 5 مارس - 7:31

الله عليكو كل السايت بقي كآبه في كآبه
علي فكره شكله فيرس في الجو
كنت حاسه اننا ناس بتضحك بس جواها كتير ومحتاجه حد يسمعها او حتي تقول بس
*****************
بالنسبه لعمرو اولا كويس انك قدرت تكتب انت حاسس بايه وده شيء كويس
ثانيا / انت بتتكلم بلسانك وحاطط قطن في ودنك
ومش بتسمع لكلام اي حد
اعتقد ان المشكله اللي عندك ان بعض المفاهيم عندك مش مضبوطه دايما شايفها من الجانب الوحش
مش عارفه ده نتيجه ايه !!!
او بتفكر في الموضوع وان نتائجه هتكون وحشه من غير اصلا ميكون الموضوع حصل اصلا
تفاؤلو بالخير تجدوه
اما موضوع انك ترس دي اعتقد انك اهم حاجه عندك الحياه العمليه او الشغل خلاص يبقي
ايه المشكله اشتغل وحقق حاجه في ده واعتقد انه هيعطيك التفاؤل
اهم حاجه تحدد انت عاوز ايه وايه هي قدراتك لكده ؟ونفذ النتيجه هتكون ايه مش مشكله المهم عملت اللي انت بتجد نفسك فيه او اللي بيريحك
اما موضوع مش قادر افهم نفسي ده مستبعداه حبتين
******************************
بالنسبه ليكي يا اميره
علي قد فهمي كده انك لسه في المراحل الاولي
اوعي تستسلمي للتفكير اشغلي نفسك طول اليوم
في حاجات مفيده تحسي انك بتستفادي منها وبتبين قدراتك
نصيحه لو استسلمتي للتفكير هتوصلي لمرحله بجد مش هتعرفي ترجعي منها
*******************************
كنت اظن بسذاجتي المعتاده
ان كل مكان ابذل فيه كل وسعي..واضحي لاجله ..ويصير شيئا مني..لابد ان اصير شيئا منه
لكن كما قلت هي سذاجه
******************************


الرجوع الى أعلى الصفحة اذهب الى الأسفل
اميرة الحنين والاحساس
مراقب
مراقب
avatar

انثى
عدد الرسائل : 1908
العمر : 28
تاريخ التسجيل : 04/11/2007

مُساهمةموضوع: رد: تعالي فضفض ..محدش هيسمعك..   الأربعاء 5 مارس - 20:39


عارفة يايمان

حاولت بس بحس اعمل الحاجة لوحدى

بحس انها بتقى تقيلة ومش ليها اى لزمة لوجودها

حتى الحاحات الى قولت هعملها وهكملها حتى ولو لوحدى

بعملها وحسه انها من غير طعم ومن غير احساس

حسة ان بعدكل حاجة ماكان ليها طعم معين واحساس معين

لقيت كل حاجة ليها طعم واحد واحساس واحد

انى بعمل ومن غير اى احساس مفقود تمامااااااااااااااااااااااااااااااااااا

انا خلاص
تصدقى انا اول مرة امر بالموضوع دة

ديما بكون اقوى من اى حاجة بعملهااااااااا
مهما كانت ايه هى

فى كل حاجة

مششششش عارفة ليه انا وصلت للمرحلة دى

انا بجد
مش عارفة

يمكن نفسى حد يشجعنى
ولا ايه

ومش عارفة

نفسى ارجع لاميرة الى انا عارفها حياتها كلها تفائل وبتبقى عارفة ان ربنا هيديها الىهى عاووزةوالى مكتوب معاها نصيب حلو هتشوفه

اما اميرة الى انا معاها دلوقتى كئيبة وتيهة وبعيدة
وعاوزة تبعد عن الناس كلها
اهلها
واصحابها
وقريبها
الى بطلت تزروهم
والنااااااااااااس

والدنيا كلها

فى احباط

عارفة انا بنام وانا بفكر وعقلى بيبقى شغال
واوقات بروح فى النوم وانا بفكر

حاجة مش قدرة اتحملها

ونفسى بجد اخرج منها وانا مش خسارنة حاجة
لانى لو هخسر هخسر حاجات كتير اوىىىىىىىى

وهنتدم عليهااااااااااااااااااا
انا بجد بشكرك على انك فتحتى الموضوع دة لان بجد
على السايت

وفى حاجة انا عارفة انها وحشة فيا

انى مش بحكى لحد على حاجة تخصنى
مفيش غير اختى التؤام

ولاماما وبابا ولااصحاب ولا اى حد

انا لما بدخل وبكلم هنا
كانى بكلم نسى بس بفضفض بكلام مكتوب بدل التفكير المشلول
الى مش بيوصلنى لاى حاجة

اااااااااه
ااااااااااااااااااااااااااااااااااااااااااااااااااااااااااااااااااااااااااااه
الرجوع الى أعلى الصفحة اذهب الى الأسفل
 
تعالي فضفض ..محدش هيسمعك..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 10انتقل الى الصفحة : 1, 2, 3, 4, 5, 6, 7, 8, 9, 10  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
اهلا بكم في عالمنا الخاص :: كلام من القلب :: فضفضة-
انتقل الى: