اهلا بكم في عالمنا الخاص

منتديات شباب نظم
 
دخولس .و .جالتسجيلبحـثالأعضاءالمجموعاتالرئيسية

شاطر | 
 

 ((* اهلا بينا في اليونان *))

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
amrbooki
مشرف
مشرف
avatar

ذكر
عدد الرسائل : 2513
العمر : 30
Emploi : helwan univ ( accounting
تاريخ التسجيل : 28/03/2007

مُساهمةموضوع: ((* اهلا بينا في اليونان *))   الأربعاء 19 مارس - 6:08


الطلبات عمالة تزيد
والفقر كمان في جيوبي بيزيد
عايش احلم زي الناس
يبعد عني الوسواس
واعرف احيا في وسط الناس
واتجوزها حبيبتي ايناس
صابرة فـ ضيجتي وانا محتاس
واحجج ابويا ببشكير
الراجل عجّز و بقى كبير
وانا سنده اكمنّه ضرير
والواد سيد عايز درس
واخته بتشكي وجع الضرس
وسعديه عايزة فستان
والتاني عايز دكان
ولا حيلتيش غير جيراطان
ازاي ممكن احس براحة
ده انا عيشتي تموت بجنان

وفـ ساعه فـ دوكها الزمان
وانا قاعد بشرب فنجان
على قهوة عمنا مرجان
طلعت كلمة من سعفان
اللي عايش في اليونان
زي ملوك ديكها الزمان
عنده فلوس فيها غرجان
وعمال يوصف في النسوان
يا حلاوة والله ويا جدعان
نزّل يابني كمان فنجان

وجعدت افكر وامخمخ
وجفشني صاحبي سهتان
صاحبي سلامة ده كان فنان
صاحبي واخويا حبيبي كمان
وحكيتله حكاية سعفان
والحال في بلاد اليونان
سلامة علطول فهم اللبه
وقالي تعالى نروح التبه
ونسأل على هاني الطفشان
فين سكتها اليونان ؟؟

جالنا هاني الحل معايا
بس حتحتاجوا جرشين
رحت انا بايع الجيراطين
وسلامة اتصرف بالدين
واتجمعنا يوم الاتنين
ومعانا حوالي الفين
وطلعنا المركب بالليل
جايلك يا بلاد اليونان

انا وسلامة كنا جعانين
وامي عاملالي رغيفين
وعلشان ما نجوعشي في السكة
قسمته علينا الاتنين
علشان مانجوعشي في السكة
دي السكه حتاخد يومين

وجعدنا في البحر اسبوع
وبطونا تصوت من الجوع
وسمعنا جنبينا بكاء
وواحد جاعد يدعي دعاء
وواحد عمال ينحر نحر
وصوته بيشجي بألم الدهر
سامحيني يا امي انا عصيتك
وسامحني يا بويا ع المر
ما رماني عالموت غير الفقر
واحساسي فـ بلدي بالقهر
واتسنّد ووقف بالعافية
وبصلنا بنظرة طيبة وغدر
ووقع منا في عرض البحر
حد يشد الراجل شد
اما الشاب غطس ولا قب
والدنيا عمالة تسود
وسلامة لساته بيصرخ
حد يشد الراجل شد
اما الشاب غطس ولا قب

وبعد حوالي اتناشر يوم
قالولنا كله حيقوم
ويكملها السكة عوم
نطينا ساعتها في البحر
بعد ما امرونا بالامر

والمالح موجه جبار
وبنعوم احنا بجالنا نهار
وحسيت فجأه اني بنهار
وبشرب ميه بطعم النار
وحياتي بتجري قدامي
من اول خبطة الداية
ولغاية موجي الجبار

وفجأة سلامة ظهر في المية
وصرخ فيا بصرخة قوية
قربنا عالشط ياصاحبي
خليك انت اعلى من الموج
دور على ايناس بايديك
وامك وابوك يحموا عينيك
ولما تشم حضن اخواتك
حتحرك اجمد رجليك
وتركني اصارع في الموج
وانا حاسس روحي بتعود
وكاني بجري في مروج

ووصلنا الفجرية الشط
والعسكر بتشيل وتحط
وبتنقل بواقينا في ناحية
والناس اللي ماتوا على جنب
قمت ادور
فينو سلامة ؟؟
قولي يا كابتن ..
شفت سلامة ؟؟
طيب .. وانت
شفته ياعم ؟؟

وفجأه لقيته الناحية التانية
ومش شايل في دماغه الهم
وببسمة بعيدة عن الغم
ووشه مافيهوش نقطة دم
رحت اشيلة واجيبه حدايا
نو .. نو .. هي ايز ديد
اه يا خواجة ده صاحبي بجد
نو .. نو .. هي ايز ديد
اما الناس دس غريبة بجد
اصلك مش عارف يا خواجة
صاحبي نقذني في نص البحر
نو .. نوو هي ايز ديد
صاحبي نقذني وحيله اتهد
ونايم ياعين امه ع الشط
سيبني اقوله بقى يا خواجة
واقوله وصلنا بلاد بره
ونضحك على هاني الحيوان
اهلا بينا في اليونان
الرجوع الى أعلى الصفحة اذهب الى الأسفل
honda
مشرف
مشرف
avatar

ذكر
عدد الرسائل : 2224
العمر : 30
Emploi : Basha
تاريخ التسجيل : 28/03/2007

مُساهمةموضوع: رد: ((* اهلا بينا في اليونان *))   الأربعاء 19 مارس - 22:00

جميله يا عمرو

هي على شكل حدوته كده
وكمان دمها خفيف انك بتحاول تعمل للقصيده لهجه
بس خليك في اسلوبك الاولانى بتاعك العادي
رأيي انه اجمد

ابدعنا ابدعنا
كمان وكمان
يا عمرو يا فنان
دا أنا منك
بقيت قلقان

هههههه
أنفع
الرجوع الى أعلى الصفحة اذهب الى الأسفل
SUBziROOO
مشرف
مشرف
avatar

ذكر
عدد الرسائل : 636
العمر : 31
Localisation : giza
تاريخ التسجيل : 01/04/2007

مُساهمةموضوع: رد: ((* اهلا بينا في اليونان *))   الأربعاء 19 مارس - 22:03



ابدع ياعم برحتك

حلوة مش وحشة



بس ظبط الكلام والمرادفات احسن من كده



واختصر احنا في عصر النت والطبلة والرق



بس بجد حلوة

الرجوع الى أعلى الصفحة اذهب الى الأسفل
no one
مشرف
مشرف
avatar

ذكر
عدد الرسائل : 2741
العمر : 30
Localisation : west el balad
تاريخ التسجيل : 15/04/2007

مُساهمةموضوع: رد: ((* اهلا بينا في اليونان *))   الخميس 20 مارس - 1:04


جامدة يا ولا

القصة لذيذة جدا

بس كقصيدة محتاجة تعديلات كتير
الرجوع الى أعلى الصفحة اذهب الى الأسفل
اميرة الحنين والاحساس
مراقب
مراقب
avatar

انثى
عدد الرسائل : 1908
العمر : 28
تاريخ التسجيل : 04/11/2007

مُساهمةموضوع: رد: ((* اهلا بينا في اليونان *))   الخميس 20 مارس - 1:12


جميلة اووووووووووووووى

ياعمرو برافو عليك
الرجوع الى أعلى الصفحة اذهب الى الأسفل
amrbooki
مشرف
مشرف
avatar

ذكر
عدد الرسائل : 2513
العمر : 30
Emploi : helwan univ ( accounting
تاريخ التسجيل : 28/03/2007

مُساهمةموضوع: رد: ((* اهلا بينا في اليونان *))   الخميس 20 مارس - 2:05

دي مجرد افتكاسة ..


بس ما تقلقوش .. انا مش ناوي ادخل بيها مسابقة ..

واحب اقولكم اني بجد فرحان من الردود المرة دي .. اكتر من اي مرة تانية ..
لانكم بتقولوا على اللي مش عاجبكم .. وده اللي يطور الواحد .
الرجوع الى أعلى الصفحة اذهب الى الأسفل
ema
مراقب
مراقب
avatar

انثى
عدد الرسائل : 452
العمر : 30
تاريخ التسجيل : 11/09/2007

مُساهمةموضوع: رد: ((* اهلا بينا في اليونان *))   الخميس 20 مارس - 17:22

حلوة تسلم ايديك
الرجوع الى أعلى الصفحة اذهب الى الأسفل
emy
مراقب
مراقب
avatar

انثى
عدد الرسائل : 1818
تاريخ التسجيل : 04/08/2007

مُساهمةموضوع: رد: ((* اهلا بينا في اليونان *))   الجمعة 21 مارس - 21:08

برافو
الرجوع الى أعلى الصفحة اذهب الى الأسفل
دصبرىإسماعيل
عضو جديد
عضو جديد
avatar

عدد الرسائل : 22
تاريخ التسجيل : 28/02/2008

مُساهمةموضوع: رد: ((* اهلا بينا في اليونان *))   الإثنين 24 مارس - 22:23

وجعدنا في البحر اسبوع
وبطونا تصوت من الجوع
وسمعنا جنبينا بكاء
وواحد جاعد يدعي دعاء
وواحد عمال ينحر نحر
وصوته بيشجي بألم الدهر
سامحيني يا امي انا عصيتك
وسامحني يا بويا ع المر
ما رماني عالموت غير الفقر
واحساسي فـ بلدي بالقهر
واتسنّد ووقف بالعافية
وبصلنا بنظرة طيبة وغدر
ووقع منا في عرض البحر




أخى عمرو انا سعيد بتواجدى معكم
سامحنى على التاخير
لانى أخصائى اطفال فى المستشفى وعندى التزامات طبية كتيرة سامحنى
اول ماقريت لك دى فكرتنى بالشاعر على سلامة
الأفكار هايلة عندك
طبعا سوف اقرا لك وانت كمان تقولى لى
لاننا غير محترفين
التارجح وارد
اخوك دكتور صبرى اسماعيل
الرجوع الى أعلى الصفحة اذهب الى الأسفل
amrbooki
مشرف
مشرف
avatar

ذكر
عدد الرسائل : 2513
العمر : 30
Emploi : helwan univ ( accounting
تاريخ التسجيل : 28/03/2007

مُساهمةموضوع: رد: ((* اهلا بينا في اليونان *))   الإثنين 24 مارس - 23:32

تقريبا .. حضرتك رابع حد يقولي كده ..



((( فكرتني بعلي سلامة )))


يا رييييييت ..
يا مسهل ..
شكرررررررررررا
الرجوع الى أعلى الصفحة اذهب الى الأسفل
a.kamal
مراقب
مراقب
avatar

ذكر
عدد الرسائل : 400
العمر : 29
Localisation : Nasr City
تاريخ التسجيل : 21/03/2008

مُساهمةموضوع: رد: ((* اهلا بينا في اليونان *))   الأربعاء 26 مارس - 14:54


بجد يا عمرو حلوة قوى
تسلم ايدك
الرجوع الى أعلى الصفحة اذهب الى الأسفل
 
((* اهلا بينا في اليونان *))
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلا بكم في عالمنا الخاص :: كلام من القلب :: منتدى الادب والقصص-
انتقل الى: